Билсиҥ, саҥа кинигэлэр!
Макарова И.П. ТҮРГЭННИК ААҔА ҮӨРЭНЭБИН.Оҕо тэтимнээхтик ааҕар, чуолкайдык таба саҥарар сатабылын, аахпытын өйдүүр үөрүйэххэ дьарыктыыр. 7 күннээх кинигэ- тэтэрээт, Дьарык аайы 11 тус-туспа сорудах бэриллэр. Сорудахтар тиһиктэрэ алын сүһүөх оскуола оҕото болҕомтотун, толкуйдуур дьоҕурун сайыннараллар, тупсараллар.
Павлов А.-Дабыл. ОҔОНУ ИИТЭР ТЫЛЛАР. Оҕо биириттэн сэттэ сааһыгар диэри кыһалҕатын этэргэ, тулатыттан сэрэнэ, харыстана үөрэнэр. Ол саҥ тардыыта дэнэр. Оҕо 15 хонугуттан 1 сааһыгар диэри 12- 15 өйдөбүлү хайаатар даҕаны билиэхтээх. Төрөппүккэ көмө буоллун диэн иччилээх тыллар суолталарын, быһаарыыларын уонна өбүгэлэрбит оҕону иитэр үгэстэрэ киирдилэр.
Никифоров И.П. КЫРАЧААН БУЛЧУТТАР,Тэттик кэпсээннэргэ кырачаан булчуттар саха үгэһинэн булт үөрүйэхтэрин иҥэринэллэр. Кинилэр доҕотторун, чугас дьоннорун кытта бу судургута суох дьарык кистэлэҥнэрин, ньымаларын үөрэтэллэр. Ону тэҥэ тыа сирин уратытын, сиэри-туому, айылҕаны кэтээн көрөллөр.
Семенова К.К. ОЙУУР ОСТУОРУЙАЛАРА. Бу кинигэҕэ киирбит кэрэхсэбиллээх остуоруйалар кыра ааҕааччылары аптаах-алыптаах ойуурга, күннээх алааска уонна чуумпу үрүйэҕэ илдьиэхтэрэ. Айылҕа олохтоохторо доҕордоһуу, бэйэ-бэйэни өйөөһүн, убаастабыл күүһүн көрдөрүөхтэрэ. Остуоруйалар дьиэ кэргэнинэн ааҕыыга үтүө доҕор буолуохтара.
Жерготова А.И. ОҔО САҤАРАР ДЬОҔУРУН САЙЫННАР. Билиҥҥи үйэҕэ оҕо оскуолаҕа киирэригэр бэйэтин сааһыгар сөп түбэһэр билиилээх, тыла-өһө ыраас, хомоҕой буолара ирдэнэр. Бу кинигэ төрөппүт оҕотун кытта бодоруһарыгар, кэпсэтэригэр, тылын саппааһын байытарыгар, саҥарар, кэпсэтэр дьоҕурун сайыннарарыгар көмөлөөх.
Иринцеева Е.С.-Огдо. КУЛГААХЧАЙ. Сэргэх бэйэлээх, билиигэ-көрүүгэ тардыһыылаах Урсун уолчаан кулгааҕар олохсуйбут дьикти аптаах, дьиибэ кэпсиирдэрдээх кулгаахчай барахсаны ким да билбэт. Ол эрээри чуумпур, иһий уонна күүт: кини булгуччу эйиэхэ эмиэ биллиэ, элбэхтик сүбэлиэ, улаатаргар көмөлөһүө, билиититтэн бэрсиэ.
Михалева Н.В.-Сайа. уУЛУУ ТЫМНЫЫ ОҔУҺА, Аан дойдуга саха эрэ омук уус- уран айымньытыгар «Дьыл Оҕуһа», «Тымныы Оҕуһа» диэн ураты дьүһүлгэн баар. Тымныы оҕуһа Хотугу Муустаах байҕалтан тахсан кыыдааннаах кыһыны Саха сиригэр аҕалар. Дьон-сэргэ кини муостара биир-биир булгу барар күннэрин анаан-минээн бэлиэтиир, күүтүүлээх сылыйыы саҕаланан барар билгэтинэн ааҕар. Аар айылҕа үйэлэргэ олохтообут сиэрэ кэһиллиэ дуо? Өбүгэ номоҕо аныгы кэмниин силлиспит үһүйээнин ааҕыҥ.
Зайдуллин Р.Р. САБАНТУЙ. Ааптар «Сабантуй» диэн кэпсээнигэр татаар омук сааскы хонуу үлэтин түмүктүүр, үгэскэ кубулуйбут төрүт бырааһынньыктарын суолтатын, көлүөнэттэн көлүөнэҕэ бэриллэн кэлбит үгэстэрин, төрүт оонньууларын аныгы кэм оҕотугар билиһиннэрэр.
САХАЛЫЫ-НУУЧЧАЛЫЫ ТЫЛДЬЫТ. 1-4 кылаас. Тылдьыт алын кылаас оҕолоро 1-4 кылааска үөрэнэр сылларыгар уруокка туһаналларыгар, дьиэҕэ үлэни толороллоругар туһалаах буолуоҕа. Үөрэх кинигэтигэр баар ыарахан буолуон сөптөөх сахалыы тыллары нууччалыы тылынан быһааран суруйдулар.
АЙЫМНЬЫ ТҮҺҮЛГЭТЭ. 5-8 кылаас. Кылаас таһынан ааҕар кинигэ 5-8 кылаас үөрэнээччилэрэ дьиэлэригэр, сынньалаҥ кэмнэригэр иһийэн олорон ааҕалларыгар анаан оҥоһулунна. Өбүгэ өлбөт өйүн, үгэһин, омук олоҕун тускута буолбут ытык дьоммут олохторун, үтүө уонна мөкү бүппэт мөккүөрүн, ийэ айылҕа тыыннаах эйгэтин билиһиннэрэр айымньылар оҕо дьону кытта алтыһарыгар, доҕордуу сыһыаннаах, үтүө айгылаах киһилии киһи буоларыгар көмөлөөхтөр.
ЯКУТИЯ: ВСЕ ДЛЯ ПОБЕДЫ! Комплект демонстрационных плакатов посвящен вкладу жителя Якутии в Победу в Великой Отечественой войне 1941-1945 гг. в материялах освещаются темы боевых подвигов якутян на фронте, трудовой самоотверженности, культурного наследия и памяти о войне. Приурочено к 80-летию Великой Победы.
КЫАЙЫЫ-биллэрэр-көрдөрөр историческай лотуо. Остуол оонньуута оҕоҕо Аҕа дойду Улуу сэриитин, анал байыаннай дьайыы историятын билиһиннэрэр сыаллаах оҥоһулунна. Лотуо 15 хонуулаах,180 ойуулаах карточкалаах. Оонньууга иккиттэн элбэх киһи кыттар. Оонньооччу аайы биирдии эбэтэр иккилии хонуулаах карточка бэриллэр. Ыытааччы буолбут киһи биир-биир кыра карточкалары хостуур, кэннигэр баар ыйытыыны ааҕан иһитиннэрэр. Оонньооччу бэйэтин хонуутугар баар сөптөөх хоруйу көрдөҕүнэ, таба ааттыыр, карточканы ылан уурунар. Ким хонуута эрдэ туолбут-кыайыылаах тахсар.
Уһук Уйбаан. КЭННИНЭН КЭХТИБЭТЭХ САХА БУОЙУНА, «Кэннинэн кэхтибэтэх саха буойуна» өйдөбүнньүк ахтыы-сэһэҥҥэ Сунтаар улууһун Арыылаах нэһилиэгин Уһун Күөлүттэн төрүттээх, Арассыыйа уонна Донецкай Норуодунай Өрөспүүбүлүкэ Дьоруойа, Чуумпу Акыйааннааҕы байыаннай флот сиринэн сэриилэһэр 255-с биригээдэтин кимэр этэрээтин байыаһа Дмитрий Егоров туһунан кэпсэнэр. Уолчаан иллээх-эйэлээх дьиэ кэргэн алаһа дьиэтин сылааһыгар, төрөппүттэрин истиҥ тапталыгар угуттанан улааппыта, Аҕа дойдутугар, Ийэ сиригэр уонна доҕотторугар бэриниилээх буоларга хайдах иитиллэн-такайыллан тахсыбыта аҕатын ахтыытыгар олоҕуран уус-ураннык сэһэргэнэр. Сэрии толоонугар быһыы-майгы ойууланар. Ааҕааччы киэҥ араҥатыгар ананар.
Башарина З.К. САХА ЛИТЕРАТУРАТА АҔА ДОЙДУ УЛУУ СЭРИИТИН КЭМИГЭР (1941-1945 сс.). Кинигэҕэ ааптар историческай чахчыларга олоҕуран, сэрии кэминээҕи саха литературатын сайдыытын уратытын көрүҥнэринэн араарар, Улуу Кыайыы суолтатын, саха саллаатын уобараһын, тыылга норуот героическай үлэтин көрдөрөн, айымньылары ырытар. Кинигэҕэ биллэр суруйааччылар уус-уран айымньылара эрэ буолбакка, киэҥ ааҕааччыга биллибэт талааннаах суруйааччылар А.Неустроева, К.Платонова, И.Арбита, М. Тимофеев-Терешкин олохторо, айар үлэлэрэ сырдатыллар.
Маисов С.С. ДЬОЛГО ДЬУЛУҺАР БУОЛЛАХХА…2. Уран тыл ууһа Сэмэн Маайыһап «Дьолго дьулуһар буоллахха…» арамаанын иккис кинигэтигэр киһи уонна айылҕа, дьылҕа, сиэр-майгы; норуот, ийэ тыл кэскилэ, төрөөбүт ытык сиргэ-уокка таптал, төрүт үгэһи тутуһуу уонна да атын туһунан сахалыы мындыр, дириҥ санаатын роман сүрүн дьоруойдарын-саха тылын, литературатын учуутала Анастасия Сергеевна Алексеева уонна Күүлэлээх нэһилиэгин баһылыга Сергей Егорович Кэнээрэп нөҥүө сэһэргиир, анаарар.
Баишев И.Г. АЛААҺЫМ-ТААС КИРИЭППЭҺИМ. Поэт Илья Баишев хоһонноругар саха киһитэ ханна да тиийбитин, тиэргэниттэн төһө да ырааҕынан тэлэһийбитин иһин төрөөбүт төрүт сиригэр, дьонугар-сэргитигэр куттуун-сүрдүүн тардыһыылааҕын туһунан хоһуйар.
БАР ДЬОҤҤО ИСТИҤ ТАПТАЛЫНАН, Кинигэҕэ саха норуодунай бэйиэтэ, СӨ култууратын үтүөлээх үлэһитэ Иван Мигалкин төрөппүттэрин туһунан тус бэйэтин ахтыыта, чугас дьонугар анаабыт хоһоонноро уонна кини туһунан аймахтарын, бу олоххо алтыһан ааспыт доҕотторун, үөлээннээхтэрин, суруйааччылар истиҥ ахтыылара, ону таһынан 70 сааһынан ыытыллыбыт тэрээһиннэри сырдаппыт юнкордар, суруналыыстар бэчээккэ тахсыбыт матырыйааллара түмүллэн киирдилэр. Ааҕааччы киэҥ араҥатыгар ананар.
ГАВРИИЛ ЧИРЯЕВ. Книга посвящена 100-летию рождения Г.. И. Чиряев выдаюшегося государственного и политическово деятеля, первого секретаря Якутского обкома КПСС(1965-1982), под руководством которго было совершено масштабное поступательное развитие горно добывающей промышленности, транспорта, социальной сферы, сельского хозяйства, образования, науки и култтуры. Книга предназначена для широкого круга читателей.
Николаев М.Е. МОЯ ЯКУТИЯ И ГЛОБАЛЬНЫЙ МИР. В настоящем томе собраны книги, статьи, высупления, интервью М. Е. Николаева, посвященные вопросам развития внешних связей и международного сотрудничества. Его работы в этой области сгруппированы по следующим направлениям: международное сотрудничество и внешнеэкономическая деятелность, Арктика и Север, ЮНЕСКО и международные спортивные игры «Дети Азии».
Кривошапкин А.В. СЕВЕР_МОЙ ДОМ РОДНОЙ. В воспоминаниях народной писатель РС(Я), заслуженный работник культуры РС(Я), видный государственный и общественный деятель республики Андрей Васильевич Кривошапкин повествует о своей прожитой жизни. Книга пронизана большой любовью к родному северному краю, малой родине-Себян-Кюель, самому дорогому человеку-матери.
САХА ЛИТЕРАТУРАТЫН КӨМҮС КЫЛААТА, Кинигэҕэ саха литературатын классиктарын, норуодунай суруйааччыларын, бэйиэттэрин үйэлээх айымньылара түмүлүннэ. Ийэ дойдуга, киһиэхэ тапталы хоһуйар, олох кырдьыгын, дьон бэйэ икки ардыгар уустук сыһыанын итэҕэтиилээхтик көрдөрөр хоһооннор, кэпсээннэр, сэһэннэр, арамаантан быһа тардыылар дьон-сэргэ сүрэҕэр үйэлэргэ хаалар аналлаахтар.
ЯКУТИЯ 2025 КЗД. В издании представлены даты, отражающие важнейшие события политической и культурной жизни республики. Календарь адресован библиотекарям, краеведам, работникам средст массовой информации и читателям, интересующимся историей и культурой родного края.