«Эксклюзив» коллекционердар түмсүүлэрэ «Курустаал таас күлүмүнэн» хомуур быыстапка-куонкурсун тэрийдэ.
Нэһилиэк библиотекатын иһинэн үлэлиир, култуура үлэтин байытар биир тутаах «ЭКСКЛЮЗИВ» коллекционердар түмсүүлэрэ Саха сиригэр Култуура сылыгар, Дьиэ кэргэн аан дойдутааҕы күнүгэр анаан “КУРУСТААЛ ТААС КҮЛҮМҮНЭН” хомуур быыстапка-куонкурус тэрийдэ. Бу быыстапкаҕа ийэлэрбит, эбэлэрбит, дьиэ кэргэн күндүтүк санаан муспут курустаал таас иһиттэрин, керамика, фарфор, таас, мас сувенирдарын, статуэткаларын хомуйан ыам ыйын 12 күнүттэн 15 күнүгэр дылы дьон-сэргэ көрүүтүгэр турда.
Быыстапканы көрбүт дьон «Уруккуну санаан, оҕо сааспытыгар түһэн ыллыбыт» диэн санааларын эттилэр, астыммыттарын биллэрдилэр. Кэрэ, кыраһыабай бэйэлээх, эксклюзивнай маллар болҕомтону тартылар.
Тэрээһин түмүгүнэн быыстапка-куонкурус 3 көрүҥүнэн ыытыллан бастыҥнарга хас көрүҥ ахсын “ЭКСКЛЮЗИВ” коллекционердар түмсүү кэрэ аҥардарыттан, “Тускул” КСК анал бириистэрэ, добун суруктар туттарылыннылар. «Курустаал таас күлүмүнэн» түһүмэххэ I миэстэ — Екатерина Ксенофонтова, II миэстэ — Мария Решетникова , III миэстэ — Дария Елисеева ылары ситистилэр.
Куонкурус мас сувенирдарын түһүмэҕэр I миэстэ — Парасковья Ноговицына, II миэстэ — Нина Никонова , III миэстэ — Татьяна Дьячковская буоллулар.
Куонкурус таас, керамика, фарфор сувенирдарын түһүмэҕэр I миэстэ — Вера Никонова, II миэстэ — Надежда Листикова, III миэстэ — Анна Андросова буоллулар.
Зинаида Теренкова, Лариса Лукина, Наталья Лукина поощрительнай бириистэринэн бэлиэтэннилэр.
«ЭКСКЛЮЗИВ» коллекционердар түмсүүлэрэ тиэмэлэринэн көрөн араас тэрээһиннэргэ кыттан, выезтарга баран умсугутуулаах, кэрэни кэрэхсиир быыстапкалара дьон-сэргэ болҕомтотун ылыан ылар. «Инникитин маннык хайысхалаах быыстапкалар, куонкурустар өссө да буолуохтара» диэн тэрээһини түмүктээтибит.
Бары кыттыбыт нэһилиэкпит Далбар Хотуттарыгар,»Эксклюзив» түмсүү активнай кыттыылаахтарыгар истиҥник махтанабыт.