Билсиҥ, саҥа кинигэлэр!
Саха норуодунай суруйаччыта Иван Гоголев-Кындыл бу айымньыта 1971 с. тахсыбыта, кини бу прозаҕа бастакы холонуута буолар. Сэһэҥҥэ сүрүн дьоруой Кулуһун оҕо сааһын күндү өйдөбүлэ, дьоно-сэргэтэ, сэрии ыар кэминээҕи олоҕо уонна кини истиҥ, ыраас таптала ойууланар. Олох аһыытын-ньулуунун амсайбыт, ийэтэ эрдэ өлөн, кииринньэҥ ийэлэргэ иитиллэн, тапталы да, көйгө сыһыаны да билбит тулаайах уолчаан улахан таптыыр сүрэхтээх, олоххо тардыһыылаах, сырдыкка дьулуурдаах киһи буола улаатар. Кини олоххо көрүүтэ, үлэҕэ-үөрэххэ сыһыана, тулалыыр дьонугар, доҕотторугар таптала үтүө холобур буолар. Билиҥҥи да кэмҥэ суолталаах.
Арамааҥҥа Саха сиригэр нууччалар кэлиэхтэрин иннинээҕи олох, кыргыс үйэтэ сабардаан турар кэмэ кэпсэнэр. Туматтартан кыргыллыбыт ньырбакааттарбыт дэнэр аҕа ууһуттан чороҥ соҕотох ордон, туос тыыга олорон куоппут кыыс оҕо дьылҕата ойууланар. Арамаан ааҕааччы бары араҥатыгар ананар.
Бу кинигэҕэ ааптар, суруналыыс Андрей Яковлев-Чуос саха эр дьонун булка сырыыларын туһунан умсулҕаннаах кэпсээннэрэ, эдэр булчукка анаабыт сүбэлэрэ-амалара түмүллэн киирдилэр. Ааптар чуолаан Түҥ өрүс эргин бултаабыт түбэлтэлэрин туһунан сэргэх кэпсээннэрэ ааҕааччыны булт соноругар угуйуо, аар тайҕа байанайдаах аартыктарынан хаамтарыа, мүччүргэннээх сырыыларга кыттыһыннарыа.
Амарах сүрэҕи долгутар, уйан дууһаны таарыйар айымньылар ааҕааччыга таптал араас өрүтүн таарыйыахтара: сороххо бу истиҥ иэйии дьолу бэлэхтиэ, сороххо эрэйи кэккэлэтиэ. Ол гынан баран, дьиҥнээх ыраас таптал хаһан да умнуллубат аналлааҕын, киһи олоҕун устата сырдыгынан эрэ сыдьаайарын итэҕэтиилээхтик сэһэргиэхтэрэ.
Совершено страшное преступление-под покровом ночи неизвестный злоумышленик пробрался в квартиру, где спали женщина и ее дочь, чтобы жестоко расправится с ними. Молодой человек, еще школьник, влюбленный в погибшую девошку, клянется найти и наказать убийцу. Сможет ли он осуществить задуманное? готов ли он воздать преступнику по заслугам? эти вопросы не дают покоя главному герою, но он, отбрасывая все сомнения, у прямо твердит: «Я отомщу за тебя, любимая».
Саха норуодунай суруйааччыта Семен Андреевич Попов-Сэмэн Тумат төрөөбүт-үөскээбит Саҕастыырын, чэпчэкитэ суохтук ааспыт оҕо сааһын, төрүт удьуор дьонун туһунан, кинилэр туох кыһалҕаны көрсүбүттэрин, оччотооҕу олох-дьаһах кытыан кыһалҕатын өйдөөн-санаан, анааран, общественнай өрүттэригэр тирэҕирэн бу кинигэтин суруйда. Кинигэ ааҕааччы киэҥ эйгэтигэр ананар.
Ааҕааччыга биллэр прозаик Татьяна Находкина саҥа кинигэтин дьоруойдара-тыллара-өстөрө, санаалара-оноолоро, быһыылара-туттуулара киһини итэҕэтэр, ааптар бэйэтин оҕо сааһыттан уонна субу бүгүҥҥү олохпутуттан түһэн кэлбит тыа сирин олохтоохторун тыыннаах мөссүөннэрэ. Ааҕааччы киһи үтүө санаата, амарах быһыыта өрөгөйдүүрүттэн үөрүө, сыал-сорук, күүстээх санаа барыны кыайарыгар итэҕэйиэ уонна тус олоҕор туһалааҕы иҥэриниэ.
Комикс, основанный на реальных событиях, описывает подвиг российского военнослужащего 39-й отдельной гвардейской мотострелковой бригады в зоне специальной военной операции.
Книга написана в жанре публицистики и состоит из очерков волонтера, работающего в зоне СВО. Героями книги являются бойцы-выходцы из Якутии. В сборник включены очерки об известных на весь мир подвигах бойцов с позывными Тута, Якут, а также других.
В книге вкратце описываются история развития меткой стрельбы в армиях ведущих стран мира, действия снайперов в годы Первой мировой войны, на советско-финской войне и в годы Великой Отечественной.
В сборник вошли рассказы писателей-ленчан Сергея, Москвитина и Михаила Сиванкова-основанные на реальных событиях, где глазами свидетелей описываются события, происходящие в наше время.
Кинигэҕэ Санкт-Петербург куорат архыыптарыттан көстүбүт үһүйээннэр, номохтор, остуоруйалар хайдах суруллубуттарынан кыраайы үөрэтэр матырыйаал быһыытынан киирдилэр. XIX-XX үйэлэр кирбиилэригэр Саха сиригэр олорон ааспыт политсыылынайдар уонна ол кэм үөрэхтээх сахалара хомуйан хаалларбыт сэһэннэрэ, төрүт култуураны сэҥэрээччилэргэ, устудьуоннарга ананар.
Анал байыаннай дьайыы күннээҕи олохпутугар хайдах сабыдыаллыырын, оҕо итиннэ хайдах сыһыаннаһарын, тыылга билиҥҥи кэмҥэ хорсун быһыы диэн тугун сырдатар кэпсээннэри ааҕыҥ, ырытыһыҥ, толкуйдааҥ.
Айылҕаны киртитэр, тайҕа сокуоннарын кэһэр, мээнэ бултуур туох кутталлааҕый? Саһарҕа хоптото Лола мүччүргэннээх сырыыларыгар кыттыһан, Сотик эһэчээни, Арчы таба оҕотун, Гуглик мэкчиргэни уонна Айкуо кэрэ кыыһы кытта доҕордоһон быһаар. Туох дьикти ыарыы Айкуо-кыысчааны буулаабытын, хайдах аптаах саһарҕа хоптото Лола киниэхэ көмөлөспүтүн уонна доҕордуулар Орто дойдубутун алдьархайтан быһаабыттарын бу кинигэҕэ ааҕан анаар! Fлын кылаас оҕолоругар, дьиэ кэргэнинэн ааҕыыга, иитээччилэргэ, учууталларга уонна эко-сырдатааччыларга ананар.
«Красти Краб»-ресторан, кистэлэҥ соустаах крабсбургерын астыырга үөрэниэххин баҕараҕын? Оттон «Микрошеф»-Реми аатырбыт рататуйун? эбэтэр «Корпорация монстров» мультиктан Йети Хаар киһи лимоннаах мууһун? оччоҕо бу кинигэ чопчу эйиэхэ ананар. 20 сөбүлүүр мультикпыт бүлүүдэлэрин ырысыаптара биир сиргэ.
Айаал биир ыра санаалаах. Кини муус ууһа буолуон баҕарар. Дьоллоох түгэн дьэ тосхойдо-Эһээ Бүөккэлиин Тымныы оҕуһун чочуйдулар. Ол эрээри… биир алҕас хамсаныы хаарыан оҥоһугу үлтүрүтэн кэбистэ… Айаал хайдах гынан буруйун көннөрүнэр? Ыра санаата туолуо дуо? Кинигэҕэ Айаал уонна эһээ Бүөккэ саҥа мүччүргэннээх сырыыларынан комикс, көрдөөх оонньуулар, бэлэх былакаат киирдилэр
Тэттик кэпсээннэргэ кырачаан булчуттар саха үгэһинэн булт үөрүйэхтэрин иҥэринэллэр. Кинилэр доҕотторун, чугас дьоннорун кытта бу судургута суох дьарык кистэлэҥнэрин, ньымаларын үөрэтэллэр. Ону тэҥэ тыа сирин уратытын, сиэри-туому, айылҕаны кэтээн көрөллөр.