Хадаар нэһилиэгэр «Баһылык харыйата»
Үүммүт 2025 сыл бастакы тэрээһининэн — үгэскэ кубулуйбут «Баһылык харыйата» тэрээһин буолла. «Хадаар нэһилиэгэ» тыа сирин түөлбэтин баһылыга Афанасий Степанов үөрэххэ, успуорка, общественнай эйгэҕэ ситиһиилээх, туйгун, үчүгэй үөрэхтээх оҕолору түмтэ. Ааспыт 2024 сыл түмүгүнэн оҕолорго «Сыл бастыҥнара» анал ааттар туттарылыннылар, туйгун, үчүгэй үөрэхтээх оҕолор грамотанан, минньигэс бэлэҕинэн бэлиэтэннилэр. Оҕолор үөрэхтээх, элбэх билиилээх, дойдуларыгар бэриниилээх ыччат дьон буола улааталларыгар баҕа санаатын эттэ. Онон оҕолор саҥа үөрэх чиэппэрин сүргэлэрэ көтөҕүллэн саҕалаатылар.
«Бастыҥ үөрэнээччи» анал ааты Андросова Мила — 4, Анемподистова Галя — 9, Мишкина Дайаана — 11 кылаас үөрэнээччилэрэ туттулар.
«Бастыҥ спортсмен» анал ааты Давыдов Денис — 4, Герасимов Петя — 8, Герасимов Вова — 10 кылаас үөрэнээччилэрэ туттулар.
«Бастыҥ общественник» анал ааты Григорьева Мичийэ- 3, Гаврильева Кира — 8, Степанов Валера — 11 кылаас үөрэнээччилэрэ туттулар.
Быйылгы “Баһылык харыйата” бырааһынньыктааҕы тэрээһиҥҥэ, элбэх оҕо төрөппүттэрин кытта кэлбиттэр. Кэлбит оҕолору күүтүүлээх Тымныы оҕонньор, Хаарчаана эҕэрдэлээтилэр, саҥа дьыллааҕы дьүһүйүүнү көрдүлэр, араас көрдөөх оонньууларга кытыннылар, үҥкүүлээтилэр.
Саҥа дьыл саҥа алыптаах күнэ хаһан даҕаны умнуллубат оҕо саас өйдөбүнньүгэ буолан сылы эргиччи умайыаҕа. Хадаар нэһилиэгин баһылыгар, администрациятыгар нэһилиэкпит кырачааннарыгар, оскуола оҕолоругар, төрөппүттэргэ оҕо саамай кэтэһиилээх күндү бырааһынньыгын киэргэппит кэрэ киэһэлэрин иһин истиҥ махталбытын тиэрдэбит!