«Ийэ тыл» түөлбэнэн өй оонньуутугар күрэх.
Иэйэбин ийэ тылбынан…
Тобулабын төрөөбүт тылбынан…
Саҥарабын сахам тылынан…
Өрүү бииргэ буолар
Өбүгэм тылынан…
Төрөөбүт сахатын тылын сайыннарыыга-чинчийиигэ олоҕун анаабыт, саха алфавитын төрүттээбит, бастакы лингвист Семен Андреевич Новгородов төрөөбүт күнүгэр олохтоммут, олунньу 13 күнэ-ийэ тыл, сурук-бичик күнүнэн бэлиэтэнэр. Бу күнү көрсө нэһилиэкпит түөлбэлэрин икки ардыгар, олохтоох библиотекаҕа тэрээһин ыытылынна. Ол курдук, хамаандалар икки ардыларыгар «Ийэ тыл» өй оонньуута, остуол оонньуулара ыытылыннылар. Оонньуу уопсайа 6 түһүмэхтэн турда.-тылбаас, сомоҕо домохтор, биир тыл, өс хоһооно-өбүгэ номоҕо, олоҥхо тыла, псевдонимы таай.
Иккис түһүмэҕинэн остуол оонньууларыгар илин-кэлин түһүстүлэр, ол курдук эр дьон «Наарда» оонньууга кыайыылааҕы быһаардылар, кэрэ аҥардар, ыччаттар, оҕолор «Иэхэй-чуохай!» оонньууга кытыннылар. Тыҥааһыннаах оонньуу түмүгүнэн 1 миэстэ-«Кэскил» түөлбэ (сал. З.Е.Лукина), 2 миэстэ-«Эрэл» түөлбэ (са. З.Н.Теренкова.), 3 миэстэни эрэллээхтик «Сардаҥа» түөлбэ (сал. Л.И.Лукина) хамаандалара ыллылар. Кыайыылаахтар добун суруктарынан бэлиэтэннилэр, хамаанда ылбыт очкота түөлбэ сыллааҕы күрэҕин түмүгэр киирэр.
Сахалыы сайаҕастык саҥарыаҕын, Ийэ тылбыт үйэлэргэ үүнэ-сайда турдун!