«Кырыа кыһын сиэдэрэй симэҕэ» улуустааҕы фестиваль-быыстапка
Улууспутугар «Культурный код» экспедиция тэриллэн ахсынньы 1 күнүгэр Хадаар нэһилиэгин уус-уран тарбахтаахтарын уонна норуот маастардарын оҥоһуктарын быыстапкатын кэлэн көрөн, сэргээн, сыаналаан бардылар. Манна сахалыы иис, кыбытык тигии, маһынан, кылынан уо.д.а атын оҥоһуктар дьон-сэргэ көрүүтүгэр турдулар. Бу күн Хадаар нэһилиэгин Норуотун маастара Ирина Николаевна Филиппова бэйэтин талаан тарбаҕыттан тахсыбыт оҥоһуктарын дьүүллүүр сүбэ иннигэр көмүскээтэ. Ирина Николаевна күннээҕи түбүктэн быыс булан иистэн илиитин араарбат. Норуот айымньыта сайдарыгар бэйэтин кылаатын киллэрэ сылдьар, айылҕаттан тарбаҕар талааннаах, сатабыллаах маастар үлэлэрин сэргээн көрөргүтүгэр ыҥырабыт.