«ҮРДЭЛ» түөлбэнэн күрэх. «Веселая эстафета»
Кулун тутар 14 күнүгэр Аан дойду дьахталларын күнүгэр анаммыт «Веселая эстафета» нэһилиэк түөлбэлэрин кэрэ аҥардарын икки ардыгар күрэхтэһии буолан ааста. Хамаандаҕа 8-тыы дьахтар илин-кэлин түсүһэн, үөрэн-көтөн күрэхтэстилэр.

1 этап — Хамаанданан сүүрүү. Бу этапка «Кэскил» инники күөҥҥэ таҕыста

2 этап — Мээчиги тэйитэн, сүүрэн тиийэн корзинаҕа киллэрии. Манна «Кэскил» түөлбэ тэҥнээҕин булбата.

3 этап — Сүүрэн тиийэн остуолга ууруллубут кумааҕыны биирдиилээн ылыы, кумааҕыга суруллубут буукубалартан тыл таһаарыы. Бу этапка түргэн хамсаныылаах «Эрэл» түөлбэ инники таҕыста.

4 этап — Биир эрээккэ туран мээчиги бэрсии буолла. Илин — кэлин түсүһэн «Сардаҥа» түөлбэ кыргыттара сымсаларын көрдөрдүлэр.

5 этап — Хамаанданан уһуну ыстаныы. Бу этапка «Кэскил» түөлбэ кыргыттара иннилэрин биэрбэтилэр.

Тыҥааһыннаах киирсии кэнниттэн: 1 миэстэ — «Кэскил» түөлбэ кэрэ аҥардара, сал. Зарина Лукина, 2 миэстэ — «Сардаҥа» түөлбэ кэрэ аҥардара, сал. Лидия Лукина, 3 миэстэ — «Эрэл» түөлбэ кэрэ аҥардара, сал. Зинаида Теренкова ыллылар.

Бары кыттыбыт кэрэ аҥардарга «Тускул» культурно-спортивнай киин туруорбут (директор Ю.Н.Толстоухова) «Ситим» маҕаһыын сертификаттара бэлэх буолуллар. Тэрээһини дьон сэҥээрдэ, бэрт сэргэх, түргэн хамсаныылаах күрэх буолла. Түөлбэ салайааччыларыгар махтал. Ким көхтөөх, ол кыайыылаах!