Хаалыктаах хаамыы тэрээһинэ.
Балаҕан ыйын 11 күнүгэр Аан дойдутааҕы кырдьаҕастар күннэригэр, Арассыыйа норуоттарын сомоҕолоһууларын, Саха Өрөспүүбүлүкэтигэр Култуура сылларыгар анаммыт биир күн кырдьаҕастарга анаммыт «Үрүҥ Көмүс» өрөспүүбүлүкэтээҕи хотугу хаамыы тэрээһинигэр Хадаар нэһилиэгин олохтоохторо, «Хардыы» хаалыктаах хаамыы доруобуйа кулуубун чилиэннэрэ көхтөөх кыттыыны ыллылар.
«Хардыы» хаалыыктаах хаамыы кулууба нэһилиэкпитигэр 2014 сылтан тэриллэн үлэлиир. Хадаарга билиҥҥи кэмҥэ сааһыттан тутулуга суох аhаҕас халлаан анныгар, сибиэhэй салгыҥҥа, дьыл түөрт кэмигэр биирдиилээн, бөлөҕүнэн хаамаллар. Хаамыы бу — чэгиэн олоххо дьулуһуу, биир сомоҕо буолуу кэрэ көстүүтэ.
Чэгиэн буолуу – олохпут сүрүн баайа. Хаамыы, хамсаныы – киһи этин-сиинин, өйүн-санаатын чөл тутар. Эһиги бу хаамыыга кыттыыгытынан бэйэҕитигэр эрэ буолбакка, атыттарга холобур буолан, чэгиэн олоххо ыҥыраҕыт.
Маннык тэрээһиннэр элбэхтик ыытыллан, дьоммут-сэргэбит өрүү чөл олоҕу тутуһан чэгиэн-чэбдик буоллуннар!
