«Көмүс киистэ» уруһуйдьуттар түмсүү сайыны үйэтитэллэр.
Сайыҥҥы чаҕылхай күннээх, чээлэй солконон сууланан, сибэккинэн симэнэн турар айылҕаны дьон — сэргэ үөрэ-көтө көрсөр, саҥа иэйии үөскүүр. Хадаар нэһилиэгин «Көмүс киистэ» түмсүү (сал.Зинаида Теренкова, Лена Ноговицына) чилиэннэрэ, сайын кэрэ көстүүтүн холустаҕа түһэрэн үйэтиттилэр. Түмсүү сайыҥҥы пленэргэ иккиһин таҕыста, төрөөбүт түөлбэлэрин айылҕатын кэрэтин кэрэхсээн, ойуулуур-дьүһүннүүр искусство алыбар умсугуйан туран дуоһуйа уруһуйдаатылар.
Маннык тэрээһин биир интэриэскэ сылдьар дьону сомоҕолуур, бэйэ-бэйэлэриттэн опыт ылалларыгар көмөлөһөр. Инникитин түмсүү чилиэннэрэ мустан өссө да пленэргэ тахсар баҕа санааларын эттилэр.