Үрүҥ-Күөл туонатыгар Айыылардыын алтыһар уйгулаах ыһыах ыһылынна.
Бэс ыйын 24 күнүгэр сарсыардаттан сайа охсор тыаллаах, чаҕылыччы тыгар күннээх күн туран биэрэн сүргэбит көтөҕүллэн, үөрэ-көтө ыһыах түһүлгэтигэр саламанан киэргэтиллибит чэчир быыһынан түһүлгэҕэ муһуннубут. Төрүт дойдубут Хадаарбыт сиригэр-уотугар ыраах-чугас сирдэртэн дьону-сэргэни тоҕуорутта. Ырыа-тойук аргыстаах, ыалдьытымсах дьонноох Халыҥ Хадаар нэһилиэгин киэҥ түһүлгэтигэр, саргылаах сайын салаллыбыт аатыгар, сайаҕас дьоммут-сэргэбит толору дьоллоох олохторо уруйданарын туһугар дьоллоох-соргулаах ыһыаҕы төлкөлөөтүбүт!
Арчылаан, буруолатан ыһыах ытык түһүлгэтин түптэ буруотун сытынан дыргыттыбыт, кыталык кыргыттар кылбаа маҥан таһааланан кырдалбытын ыраастаан-арчылаан аастылар, уол, кыыс арыалдьыттанан алгысчыт Николай Григорьев арыылаах алаадьынан, уохтаах кымыһынан аал уоппутун айах тутан алгыһын ыллыбыт. Ытык-мааны алгысчыппыт этиитинэн Айхалын хатылаан, үөрүүнү үллэстэн тэҥҥэ уруйдаатыбыт. Саамал кымыс кутуллан, үрүҥ тунах илгэтиттэн, оһуордаах чороонунан тосхойдубут, айах үрдүн охтордубут!
«Хадаар нэһилиэгэ» тыа сирин түөлбэтин баһылыга Афанасий Степанов, ытык ыһыахпытын үллэстэ кэлбит, ытык мааны ыалдьыттарбыт «Чурапчы улууһа» муниципальнай оройуон баһылыгын солбуйааччы, тыа хаһаайыстыбатын управлениетын салайааччыта Анжелика Неустроева, биир дойдулаахпыт, Чурапчытааҕы физическай култуура уонна спорт институтун ректора Иннокентий Готовцев истиҥ эҕэрдэлэрин эттилэр, наҕараадалары туттардылар.
Спорт эйгэтигэр киллэрсибит кылаатын иһин СӨ физическай культура уонна спорт Министерствотын махтал суругунан С.Д.Флегонтов аатынан Хадаар орто оскуолатын физическай культураҕа учуутала Александр Лукин наҕараадаланна.
Үбүлүөйдээх саастарынан:
Култуура сайдыытыгар киллэрбит сүҥкэн кылаатын иһин СӨ «Уус-уран самодеятельноһын бэтэрээнэ» бэлиэни Чурапчы улууһун сыанатын бэтэрээнигэр, Хадаар нэһилиэгин Бочуоттаах олохтооҕор Феврония Петровна Филимоноваҕа туттардылар. Бэлиэни уола Иннокентий Готовцев тутта.
Чурапчы улууһун социальнай-экономическай сайдыытыгар киллэрсибит кылааттарын, өр сыллаах үтүө суобастаах үлэлэрин иһин, өрөгөйдөөх саастарынан «Чурапчы улууһа» муниципальнай оройуон «Почетный ветеран Чурапчинского улуса» бэлиэнэн Феврония Петровна Филимонова, Мария Иннокентьевна Елисеева, Николай Егорович Давыдов наҕараадаланнылар.
Үтүө суобастаах үлэтин иһин, Чурапчы улууһун сайдыытыгар киллэрбит кылаатын иһин «Чурапчы улууһа» муниципальнай оройуон баһылыгын өйдөбүнньүк бэлиэлээх махталынан Степан Теренков наҕараадаланна, «Тускул» култуура уонна спорт киинин звукооператора.
Үбүлүөйдээх саастарынан, Чурапчы улууһун социальнай-экономическай сайдыытыгар киллэрсибит кылааттарын, өр сыллаах үтүө суобастаах үлэлэрин иһин, Чурапчы улууһун үөрэх управлениетын «За вклад в развитие образования улуса» бэлиэнэн үлэ бэтэрээннэрэ Матрена Егоровна Титова, Михаил Николаевич Адамов наҕараадаланнылар.
Хадаар нэһилиэгин депутаттарын бэс ыйын 23 күнүнээҕи 3 нүөмэрдээх быһаарыыларынан «Хадаар нэһилиэгин Бочуоттааах олохтооҕо» аат Василий Иванович Гаврильевка иҥэрилиннэ.
Хадаар нэһилиэгин сайдыытыгар киллэрбит кылаатын иһин Хадаар нэһилиэгин үһүс степеннээх бэлиэтинэн үлэ бэтэрээнэ Петр Петрович Лукин бэлиэтэннэ.
Хадаар нэһилиэгин сайдыытыгар киллэрбит кылааттарын иһин Хадаар нэһилиэгин үһүс степеннээх бэлиэтинэн үбүлүөйдээх дьоммут бэлиэтэннилэр:
50 саастарынан С.Д.Флегонов аатынан Хадаар орто оскуолатын директоры иитэр үлэҕэ солбуйааччыта Лидия Лукина, директоры үөрэх чааһыгар солбуйааччыта Мария Рахматуллина наҕараадаланнылар.
Хадаар нэһилиэгин сайдыытыгар киллэрбит кылаатын иһин «За добросовестный труд» бэлиэнэн 65 саастарынан үлэ бэтэрээннэрэ Людмила Адамова, Парасковья Давыдова, 70 саастарынан үлэ бэтэрээннэрэ Николай Давыдов, Матрена Титова, Михаил Адамов наҕараадаланнылар.
Үбүлүөйдээх саастарынан Хадаар нэһилиэгин «Бочуоттаах бэтэрээнэ» бэлиэнэн Мария Иннокентьевна Елисеева, Хадаар нэһилиэгин «Ытык саас» бэлиэнэн Феврония Петровна Филимонова наҕараадаланнылар.
Үтүө суобастаах үлэлэрин, Хадаар нэһилиэгин сайдыытыгар киллэрсибит кылааттарын иһин «Хадаар нэһилиэгэ» тыа сирин түөлбэтин баһылыгын махтал суругунан Сардана Софронова,»Тускул» култуура уонна спорт киинин методиһа, Анатолий Тарасов, олохтоох дьаһалта суоппара бэлиэтэннилэр.
Хадаар нэһилиэгин сайдыытыгар киллэрсибит кылааттарын иһин «Хадаар нэһилиэгэ» тыа сирин түөлбэтин баһылыга Бочуотунай грамотатынан Зоя Борисова, Хадаардааҕы фельшерскай пуун медсестрата, Варвара Федорова, ветеринарнай пуун ветеринара, Мария Максимова, ветеринарнай пуун ветеринара, Зинаида Теренкова, олохтоох дьаһалта техническэй үлэһитэ, Елена Собакина, С.Д.Флегонтов аатынан Хадаар орто оскуолатын соц.педагога бэлиэтэннилэр.
Үтүө суобастаах үлэлэрин, Хадаар нэһилиэгин сайдыытыгар киллэрсибит кылааттарын иһин, Саха сиригэр Култуура сылынан «Хадаар нэһилиэгэ» тыа сирин түөлбэтин баһылыгын Бочуотунай грамотатынан Николай Дьячковскай, «Тускул» култуура уонна спорт киинин директора, Лия Лукина,»Тускул» култуура уонна спорт киинин уус-уран салайааччыта, Изабелла Адамова, «Тускул» култуура уонна спорт киинин хореограба, Степан Теренков, «Тускул» култуура уонна спорт киинин звукооператора наҕараадаланнылар.
Үтүө суобастаах үлэлэрин, Хадаар нэһилиэгин сайдыытыгар киллэрсибит кылааттарын иһин «За добросовестный труд» бэлиэнэн Марина Власьева, Хадаардааҕы фельшерскэй пуун сэбиэдиссэйэ, Дария Елисеева, Хадаардааҕы Почта России сэбиэдиссэйэ, Лена Ноговицына, Ххадаар нэһилиэгин тыа сирин модельнай библиотекатын сэбиэдиссэйэ, Петр Тарасов, С.Д.Флегонтов аатынан Хадаар орто оскуолатын директора, Мария Гаврильева, «Мичил» уһуйаан сэбиэдиссэйэ, Мотрена Дьячковская, «Чурапчы улууһа» муниципальнай оройуон тыа хаһаайыстыбатын управлениетын специалиһа наҕараадаланнылар.
Үтүө суобастаах үлэлэрин, Хадаар нэһилиэгин сайдыытыгар киллэрсибит кылааттарын иһин, Саха сиригэр Култуура сылынан Хадаар нэһилиэгин үһүс степеннээх бэлиэтинэн биир дойдулаахпыт, алгысчыт, олоҥхоһут, Чакыр нэһилиэгин Бочуоттаах олохтооҕо, СӨ тыатын хаһаайыстыбатын үтүөлээх үлэһитэ Николай Григорьев, Зинаида Лукина, Тускул» култуура уонна спорт киинин уус-уран салайааччыта, Валентина Сидорова, Тускул» култуура уонна спорт киинин техническэ үлэһитэ, Парасковья Орлова, Тускул» култуура уонна спорт киинин техническэй үлэһитэ наҕараадаланнылар.
Үтүө суобастаах үлэлэрин, Хадаар нэһилиэгин сайдыытыгар киллэрсибит кылааттарын иһин, Хадаар нэһилиэгин үһүс степеннээх бэлиэтинэн Перизат Дьячковская, Хадаар нэһилиэгин баһылыгын солбуйааччыта, Раиса Лукина, олохтоох дьаһалта кылаабынай специалиһа, Любовь Адамова, «Чурапчы улууһа» муниципальнай оройуон централизованнай бухгалтерия бухгалтера, Зарина Лукина, олохтоох дьаһалта специалиһа, Реворий Елисеев, С.Д.Флегонтов аатынан Хадаар орто оскуолатын физкультураҕа учуутала наҕараадаланнылар.
Ыллам ырыа арааһын тардан, үҥкүү-битии аргыстанан эҕэрдэ кэнсиэри көрдүбүт. Ыалыы сытар Дириҥ нэһилиэгин ылбаҕай ырыаһыттара СӨ култууратын туйгуна Валерий Корякин, Афанасий Голомарев түһүлгэни киэргэттилэр, дьон биһирэбилин ыллылар. Күн эргииринэн, оһуохай эргимтэ үҥкүүтүн оройуттан туттубут, кыынньар кымыс утахтанан, үтэһэлээх эт кэһиилэнэн уруу-аймах дьоннордуун көрүстүбүт.
Анал байыаннай дьайыыга сырдык тыыннарын толук уурбут хорсун буойуттар, биир дойдулаахтарбыт ИЛЬЯ НИКИТИН, ВЛАДИМИР АФАНАСЬЕВ, ПРОКОПИЙ СОКОЛЬНИКОВ сырдык ааттарыгар анаммыт Хадаар нэһилиэгин олохтоохторун икки ардыларыгар саха дэгит оонньууларыгар биирдиилээн көрүҥнэргэ абсолютнай күрэхтэр буоллулар.
Муҥутуур кыайыылаахтарынан үс төгүл үс көрүҥҥэ Романов Владислав, хапсаҕайга Софронов Ньургун, традиционнай оҕунан ытыыга Николаев Иван, сүүрүүгэ Григорьев Айтал, мас тардыһыытыгар Федоров Михаил, өһөс торбос көрүҥҥэ Мордускин Николай буоллулар. Анал байыаннай дьайыы кыттыылаахтара, биир дойдулаахтарбыт дьиэ кэргэттэрин, аймахтарын, бииргэ үөрэммиттэрэ туруорбут бириистэрин туттулар. Кыайыылаахтар бары харчынан, сертификатынан бириис тутан үөрдүлэр — көттүлэр. Бириистэри туруорбут анал байыаннай дьайыы кыттыылаахтарын төрөппүттэригэр Александра, Василий Никитиннэргэ, Евдокия Шестаковаҕа, Вера Дьячковскаяҕа, аймахтарыгар, оҕо саастан биииргэ оонньоон-көрүлээн ааспыт доҕотторугар барҕа махталбытын тиэрдэбит, оҕолоргут ааттарын үйэтитиигэ холобур буолан, кэнчээри ыччаппытыгар олук уурдугут.
18-гар диэри саастаах Эрилик эҥэр уолаттарга хаһыс да төгүлүн ыытыллар “Үрүҥ-Күөл оонньуулара-2026”күрэхтэһии ыытылынна. Хадаар, Дириҥ, Чакыр нэһилиэктэриттэн барыта 8 уол илин-кэлин түсүһэн үс төгүл үс, хапсаҕай, ох саанан ытыыга, мас тардыһыыга, сүүрүүгэ күрэхтэстилэр.
Муҥутуур кыайыылааҕынан Дириҥ нэһилиэгиттэн эдэр, кэскиллээх спортсмен Иван Посельскай тахсан биир дойдулаахпыт, СӨ үтүөлээх тутааччыта, СӨ саха дэгит көрүҥнэрин федерациятын салайааччыта, “Дыгын оонньуулара” саха төрүт оонньууларыгар боотурдар күрэхтэһиилэрин сүрүн спонсора, Хадаар нэһилиэгин, Чурапчы улууһун бочуоттаах олохтооҕо Алексей Семенович Пинигин туруорбут мотоциклын тутта. II м.- Кирилл Петров, III м. — Вася Толстоухов ыллылар.»Үрүҥ-Күөл оонньуулара» сүрүн спонсорыгар Алексей Семеновичка барҕа махталбытын тиэрдэбит, үтүө дьыала умнуллубат – быстыбат ситимнээх!
Үгэс буолбут культурнай куонкурустарга кыралыын, улаханныын нэһилиэк олохтоохторо кыттыыны ыллылар. «Доллоһутар тойук» тойук куонкурсугар I м. — Рада Ефимова, II м. — Александра Елисеева, III м. — Анна Андросова буоллулар.
«Дьиэрэй сахам төрүт ырыата» норуот ырыатын толоруутун куонкурсугар оҕолорго I м.- Ванесса Петрова, II м.- Арылхан Лукин, III м. — Давыдов Сема ыллылар. Улахан дьоҥҥо I м.- Алена Ксенофонтова, II м.- Анна Андросова, III м. — Яна Климова буоллулар.
Саха тылынан уус-уран айымньы биир көрүҥэр, «Чобуо-чоргуй чабырҕах» чабырҕах куонкурсугар I м.- Арылхан Лукин, II м.- Сайнаара Федорова, III м. — Ванесса Петрова буоллулар.
Киэһээҥҥи өттүгэр саха эстрадатын сулуһа Кэскил Баишев, хомоҕой тыллаах, ылбаҕай ырыалардаах Уйгулаана Николаева бэртээхэй кэнсиэри көрдөрдүлэр. Ыһыахпыт «Үрүҥ Күөл бэлэҕэ» сүүйүүлээх оонньуунан, уоттаах — күүстээх дискотеканан түмүктэннэ.