Хадаар нэһилиэгэр»Дэгэй-Дугуй» үҥкүү түһүлгэтин дьоро киэһэтэ.
Сайын айылҕа силигилиир, күн тахсар дьиктилээх көстүүлээх, кэҕэ кыыл чоргуйар куоластаах кэмигэр, сайаҕас санаалаах дьоннордоох Үрүҥ-Күөл үрдүк туонатыгар «САЙДЫЫНА» үҥкүү кэлэктиибин бэлиэ тэрээһинин биир умнуллубат дьоро киэһэтэ тосхойдо. Үҥкүү туох туһунан кэпсэнэрэ,көрөөччүгэ ис хоһоонун тиэрдиитэ, көрөөччүнү толкуйдатара бу барыта салайааччы, хореограф толкуйа буолар. Үйэлэри ситимниир үҥкүүлэри, туруоруулары үҥкүү кэлэктиибтэрин салайааччыта Изабелла Адамова хореография араас хайысхатын үөрэтэн, нэһилиэк, улуус, республика култууратын сайдыытыгар сүҥкэн кылаатын киллэрэр.
Ыам ыйын 29 күнүгэр ыытыллыбыт 2026 сыл Саха сиригэр Култуура, Арассыыйаҕа Норуоттар сомоҕолоһууларын сылларыгар анаммыт «Дэгэй-дугуй» үҥкүү дьоро түһүлгэтэ үрдүк таһымҥа ааста.
Бу киэһэ мустубут нэһилиэк олохтоохторо астына-дуоһуйа «Сайдыына» үҥкүү кэлэктиибин «Браслет» башкирскай, «Камажай» казахскай, «Гузал» узбекскай, “Талба кыргыттар” сахалыы, «Веночек» нууччалыы стилизованнай үҥкүүлэри көрдүлэр.
«Уруйдаана», «Күн Куо» үҥкүү кэлэктиибтэрин толоруутугар «Эвенские узоры», «Эребуни» армянскай, “Ингушский девичий танец” үҥкүүлэри көрдүбүт. Бииртэн биир кэрэ, сонун үҥкүүлэри көрөөччүлэр астына, долгуйа көрдүлэр, хас нүөмэр ахсын ытыстарын тыаһынан биһирээбиттэрин биллэрдилэр.
Дьоро түһүлгэни ылбаҕай ырыаларынан эдэр ыччаттарбыт, нэһилиэк талааннаахтара киэргэтэн, ситэрэн-хоторон биэрдилэр, дьон биһирэбилин ыллылар.
Үҥкүү дьоро күнэ сыл ахсын салҕана турарыгар, үҥкүү кэлэктиибтэрэ өссө да сайда, кэҥии туралларыгар, сэргэх тэрээһин тэрийээччилэригэр истиҥ махтал тылларын күндү көрөөччүлэрбит, истиҥ сэргээччилэрбит баҕа санааларын тиэртилэр.
«Дэгэй-Дугуй» үҥкүү түһүлгэтигэр кыттыыны ылбыт нэһилиэкпит олохтоохторугар, күндү көрөөччүлэрбитигэр махтанабыт!