Хадаар нэһилиэгэр «Зимние сельские игры» оонньуулар үрдүк таһымҥа аастылар.
Муус устар 24 күнүгэр Хадаар нэһилиэгэр «ЗИМНИЕ СЕЛЬСКИЕ ИГРЫ» иккис түһүмэҕэ саҕаланна. Түөлбэ спортсменнара сарсыардаттан мандатка кэлэн регистрацияны аастылар. 10 чаастан күрэхпит үөрүүлээх арыллыытыгар «Сардаҥа» түөлбэ, сал. Лидия Лукина, «Кэскил» түөлбэ, сал Зарина Лукина, «Эрэл» түөлбэ, сал. Зинаида Теренкова парадтаан киирдилэр.
Эҕэрдэ тылы «Хадаар нэһилиэгэ» тыа сирин түөлбэтин баһылыга Афанасий Афанасьевич Степанов, биир дойдулаахпыт, ЧГИФКиС старшай преподавателэ Василий Васильевич Лукин эттилэр.
Афанасий Степанов бу оонньуулар буолалларыгар кылааттарын киллэрбит Василий Лукиҥҥа, ЧГИФКиС устудьуоннарыгар (судьуйаларга), түөлбэ салайааччыларыгар, Егор Елисеевка, Александр Лукиҥҥа, Владимир Софроновка, Александр Лукиҥҥа, Перизат Дьячковскаяҕа махтал суруктары, сэртипикээттэри туттарда. Василий Лукин нэһилиэк олохтоохторугар истиҥ махталын биллэрэн, бу оонньуулар салҕыы сайдалларыгар баҕарда, кэлбит судьуйалары билиһиннэрдэ.
Салҕыы хас биирдии көрүҥүнэн судьуйалар инструкциялары ыыттылар, ол кэннэ күрэхтэһиилэр утуу-субуу саҕаланнылар. Илин-кэлин түсүһэн, түөлбэлэр бэрт тэтимнээхтик күрэхтэстилэр. Күүс-уох, түргэн туттуу, сымса буолуу бу барыта үрдүк чыпчаалга дабайыы, кыайыыга дьулуһуу.
Алын сүһүөхтэргэ хайыһар күрэҕин кыайыылаахтара:
Кыргыттарга I миэстэ-Мордускина Афелия, II миэстэ-Герасимова Аэлита, III миэстэ-Андросова Мила. Уолаттарга I миэстэ-Андросов Данил, II миэстэ- Давыдов Денис, III миэстэ-Степанов Ярик.
Орто сүһүөхтэргэ кыайыылаахтар: Кыргыттарга I миэстэ-Мордускина Айсаана, II миэстэ-Мордускина Амелия, III миэстэ-Афанасьева Карина. Уолаттарга I миэстэ-Косимов Айсен, II миэстэ- Ксенофонтов Зема, III миэстэ-Климов Егул.
Үрдүкү сүһүөхтэргэ кыайыылаахтар: Кыргыттарга I миэстэ-Листикова Марта, II миэстэ-Ноева Алена, III миэстэ-Ксенофонтова Алена. Уолаттарга I миэстэ-Мордускин Антон, II миэстэ-Ксенофонтов Саша, III миэстэ-Решетников Артур.
Кэрэ аҥардарга хайыһар күрэҕин кыайыылаахтара: I миэстэ-Борисова Зоя, II миэстэ-Лукина Зарина, III миэстэ-Листикова Надежда. Эр дьоҥҥо кыайыылаахтар: I миэстэ-Елисеев Егор, II миэстэ-Романов Владилав, III миэстэ-Сокольников Георгий.
Түөлбэнэн хайыһар күрэҕин эстафетатыгар кыайыылаахтар: I миэстэ-«Сардаҥа» түөлбэ, II миэстэ-«Эрэл» түөлбэ, III миэстэ «Кэскил» түөлбэ.
Саамай элбэх кыттааччылаах эр дьоҥҥо ыытыллыбыт дартс күрэҕин кыайыылаахтара: I миэстэ-Романов Владислав, II миэстэ-Мордускин Афанасий, III миэстэ-Дьячковскай Николай, Лукин Иван.
Дуобат күрэҕэр тыҥааһыннаах киирсиилэр түмүктэринэн дьахталларга I миэстэ-Ноева Сата, II миэстэ-Орлова Парасковья, III миэстэ-Борисова Зоя буоллулар. Эр дьоҥҥо I миэстэ-Филиппов Иван, II миэстэ-Тарбахов Вячеслав, III миэстэ-Лукин Дмитрий.
Өркөн өйдөөх саахыматчыттар түһүлгэлэрин кыайыылаахтарынан дьахталларга I миэстэ-Николаева Мотрена, II миэстэ-Дьячковская Мотрена, III миэстэ-Елисеева Александра. Эр дьоҥҥо I миэстэ-Дьячковскай Иннокентий, II миэстэ- Харитонов Федор, III миэстэ-Давыдов Николай буоллулар.
Бу көрүҥҥэ биир дойдулаахпыт, NL хампаанньа партнера Оксана Лазарева 5 тыһ. анал сэртэпикээтин Сардаҥа түөлбэттэн Ариана Ноговицынаҕа туттардылар.
Полиатлон — хас да спортивнай көрүҥнэри түмэр, киһи тулуурдаах буолуутун, күүһүн уонна түргэнин бэрэбиэркэлиир элбэх хайысхалаах спорт көрүҥэ буолар. Полиатлоҥҥа 3 көрүҥҥэ күрэхтэстилэр. Түмүгэр дьахталларга I миэстэ-Протодьяконова Оксана, II миэстэ-Никонова Февронья, III миэстэ-Тарасова Яна. Эр дьоҥҥо I миэстэ-Спиридонов Владимир, II миэстэ-Давыдов Семен, III миэстэ-Елисеев Егор буоллулар.
Саха омук, саха норуота биир саамай быстыбат дьарыга тыа хаһаайыстыбата буолар. Бу оонньууларга көрөөччүлэр интэриэстэрин таппыт «Троеборье дояров» көрүҥ буолла. 3 көрүҥ түмүгүнэн кыайыылаахтар: дьахталларга I миэстэ-Лукина Лия, II миэстэ-Климова Яна, III миэстэ-Ксенофонтова Екатерина. Эр дьоҥҥо I миэстэ-Спиридонов Владимир, II миэстэ-Анемподистов Сергей, III миэстэ-Ксенофонтов Иннокентий буоллулар.
«Троеборье механизаторов» күрэххэ Хадаар нэһилиэгин туруу үлэһит дьоно 3 көрүҥҥэ күөн көрсөн бастыҥнар ааттарын былдьастылар. Бары да уһулуччу үчүгэй буоланнар, дьон – сэргэ олус сэргээн, өрө көтөҕүллэн көрдүлэр. Кыайыылаахтарынан I миэстэ-Степанов Вячеслав, II миэстэ-Григорьев Петр, III миэстэ-Федоров Михаил буоллулар.
Спорду өрө тутар дьиэ кэргэннэр 3 көрүҥҥэ илин-кэлин түһүстүлэр. Бу күрэх сүрүн сыала – дьиэ-кэргэн чөл туруктаах буоларыгар уһуйуу, спорду көҕүлээһин буолар. Кыайыылаахтарынан I миэстэ-Амелия, Камила, Афанасий Мордускиннар, II миэстэ-Түмэн, Айталина, Мичил Адамовтар, III миэстэ-Алина, Марфа, Рустам Артемьевтар ыланнар үөрүүлэрэ үгүс.
Маны таһынан хас биирдии спортивнай дьиэ кэргэн күрэҕин кыттыылаахтарын оҕолоро Түмэн Адамов, Айсен Дьячковскай, Ярик Спиридонов, Алина Артемьева, Амелия Мордускина, Чаҕыл Собакин анал бириистэри туттулар.
Улахан эрийсиилээх, интэриэһинэй, тыҥааһыннаах күрэхтэһии түмүгүнэн уопсай түөлбэнэн түмүк таҕыста. Кыайыылаахтарынан I миэстэ-«Сардаҥа» түөлбэ, сал. Лидия Лукина II миэстэ-«Кэскил» түөлбэ, сал. Зарина Лукина , III миэстэ-«Эрэл» түөлбэ, сал. Зинаида Теренкова. Кинилэр дьоннорун мунньан, тылларыгар киллэрэн бу күрэхтэргэ кытыннарбыттара, бу кинилэр, салайааччылар ситиһиилэрэ буолар.
Хас биирдии кыттааччыга сэртипикээттэри туттардылар, троеборье көрүҥнэригэр поощрительнай сэртипикээттэр, кыайыылаахтарга грамоталар, мэтээллэр, 3 тыһ., 5 тыһ., 7 тыһ., 10 тыһ., 15 тыһ., 20 тыһ., 25 тыһ., 30 тыһ. сэртипикээттэр туттарылыннылар. Аны саҥа спортивнай инвентарьдар кэлэн, нэһилиэнньэ этин-хаанын дьарыктанарыгар бары усулуобуйа баар буолуо.
Туруоруммут сыалы оҥорон истэххэ кыайыыга, ситиһиигэ дьулуур өссө эбиллэр. Тэрийээччилэр, нэһилиэкпит олохтоохторо кыайыыга дьүккүөрдээх, дьулуурдаах буоланнар «Зимние сельские игры» оонньуулар үрдүк таһымҥа аастылар.
Мария Давыдова, Сардаана Софронова, Лена Ноговицына, Николай Дьячковскай хаартыскаҕа түһэриилэрэ.