«САНДАЛ СААҺЫ УРУЙДУОҔУҤ!» Хадаарга кыһыны атаарыы бырааһынньыга сэргэхтик ааста.
Муус устар 4 күнүгэр Хадаар нэһилиэгэр, сибиэһэй сааскы салгыҥҥа күүтүүлээх сандал сааспытын көрсө, үтүө үгэскэ кубулуйбут кыһыны атаарыы норуот күүлэйэ «САНДАЛ СААҺЫ УРУЙДУОҔУҤ!» тэрээһинэ буолла. Бырааһынньык бэрт сэргэхтик, көрдөөхтүк ааста. Нэһилиэк дьоно түмсэн кыралыын, улаханныын культурнай куонкурустарга, спортивнай күрэхтэргэ кыттыыны ыллылар.
Тэрээһин С.Д.Флегонтов аатынан Хадаар орто оскуолатын үөрэнээччилэрин ылбаҕай ырыаларынан саҕаланна. (Сал. Давыдова М.М., Ноева С.И,) Салҕыы «СААСКЫ САНАА» хоһоон ааҕыытын куонкурса буолла.
Кыайыылаахтарынан I миэстэ- авторскай сааскы сайаҕас хоһоонун бэлэхтээбит Анна Мордускина, II миэстэ-Максим Андросов, III миэстэ-Элла Тарасова буоллулар.
Оҕолорго ыытыллыбыт «СААМАЙ УЛАХАН СОСУЛЬКА» уонна «ХААР КИҺИ» куонкурустарга 14 оҕо кытынна.
2 көрүҥ түмүгүнэн I миэстэ Айтал Григорьев 7 кылаас үөрэнээччитэ, II миэстэ Алена Ноева 9 кылаас үөрэнээччитэ, III миэстэ Байдам Ефимов 6 кылаас үөрэнээччитэ ыллылар.
Кыһыны атаарыы бырааһынньыгын сүрүн бүлүүдэтэ блины, үгэс быһыытынан «СААМАЙ УЛАХАН БЛИНЫ» куонкурсугар I миэстэни эдэр асчыт Мичийэ Григорьева ылла, минньигэс астаах хаһаайка Дария Елисеева II миэстэни , Алисия Мордускина III миэстэни ылан үөрдүлэр-көттүлэр.
«ВЕСЕЛЫЕ СТАРТЫ» күрэххэ 2-лии киһи састааптаах «Мохсоҕоллор, «Сардаҥа», «Культура», «Эрэл», «Кыайыы», «Уолаттар» хамаандалар 3 этапка илин-кэлин түһүстүлэр. Бастакы этап куулу кэтэн сүүрүү.
Иккис этапка тоһоҕону маска саайан киллэрии буолла.
Үһүс этабынан хаатыҥканы кыыратыы күрэҕэ буолла.
Уопсай түмүгүнэн I миэстэни «Культура», II миэстэни «Сардаҥа», III миэстэни «Кыайыы» хамаандалара ыллылар.
Бу курдук кырыа кыһыны атааран, сааспытын көрсө бырааһынньыктааҕы тэрээһини үөрүү-көтүү аргыстаах түмүктээтибит. Кэлэн кыттыыны ылбыт бар дьоммутугар махтанабыт!
