Күндү ааҕааччыларбыт! Болҕойуҥ, саҥа сахалыы кинигэлэри уларсан ааҕыҥ!
«ХАМНАЧЧЫТ КЫЫС ДЬЫЛҔАТА»-Сэһэн дьоруойа Кээтии ийэлээх аҕатыттан, бииргэ төрөөбүттэриттэн, төрөөбүт дойдутуттан арахсан, олох араас эндирдэрин көрсөн, өркөн өйүнэн, уҕараабат дьулуурунан, тулуурунан чулуу үлэһит, Дьоруой ийэ буолбута, хоһуун эрэ киһи уйар олоҕун олорбута. Ааҕааччы киэҥ араҥатыгар ананар.
«ДЬОЛГО ДЬУЛУҺАР БУОЛЛАХХА…»-норуот, ийэ тыл кэскилэ, төрөөбүт ытык сиргэ-уокка таптал, төрүт үгэһи тутуһуу уо.д.а. туһунан сахалыы мындыр, дириҥ санааны роман сүрүн дьоруойдарын-саха тылын, литературатын учуутала Анастасия Сергеевна Алексеева уонна Күүлэлээх нэһилиэгин баһылыга Сергей Егорович Кэнээрэп нөҥүө сэһэргиир, анаарар. Ааҕааччы киэҥ араҥатыгар ананар.
«САХА ЛИТЕРАТУРАТА ХХ ҮЙЭҔЭ»-саха тылынан аан маҥнай суруллубут литературнай энциклопедияҕа киирбит быһаарыылаах ыстатыйалар суруйааччы олоҕун, айар үлэтин сүрүн тосхоллорун сырдаталлар. Литература историятыгар ураты миэстэни ылар суолталаах айымньылартан дьоҕус тиэкистэр, сыаналыыр ис хоһоонноох цитаталар киирдилэр.
«НЮРГУН СТРЕМИТЕЛЬНЫЙ»-один из самых известных и объемных якутских эпосов олоҥхо в пересказе Анатолия Ольхова поветствует о великом богатыре Нюргуне, по прозванию Стремительный. Сыну Луны и Солнца суждено стать защитником людей на земле, сразиться с чудовищами и великанами, спасти из плена самую красивую девушку в мире.
«ҮРҮҤ ТУНАХ ЫҺЫАХ»-бу ойуу кинигэ кырачааннарга ыһыах сүрүн өйдөбүллэрин билиһиннэрэр. Элбэх персонажтаах, бытархай дэтээллэрдээх ойуулаах буолан, оҕо бэйэтэ эбэтэр төрөппүтүн, иитээччитин, учууталы кытта кинигэ ис хоһоонун айан кэпсииригэр сөптөөх. Онон оҕо болҕомтото, өйгө тутар, айар дьоҕура, саҥарар саҥата сайдар уонна тылын баайа хаҥыыр.
«ОЙУУР ОСТУОРУЙАЛАРА»-бу кинигэҕэ киирбит кэрэхсэбиллээх остуоруйалар кыра ааҕааччылары аптаах-алыптаах ойуурга, күннээх алааска уонна чуумпу үрүйэҕэ илдьиэхтэрэ. Айылҕа олохтоохторо доҕордоһуу, бэйэ-бэйэни өйөөһүн, убаастабыл күүһүн көрдөрүөхтэрэ.
«»КЫРАЧААННАРТАН ҮӨРЭНИЭХХЭ»-кинигэҕэ кырачаан оҕолорго анаммыт сэргэх остуоруйалар киирдилэр. Аныгы, ураты остуоруйалар оҕону үтүө майгылаах, сигилилээх буоларга уһуйуохтара, оҕо толкуйдуур, айар дьоҕурун сайыннарыахтара.
«САХА САНДАЛЫТА»: сэһэргэһии, хоһооннор, сорудахтар, таабырыннар, өс хоһоонноро-биллэрэр-көрдөрөр карточка.
«ИДЭЛЭР»: сэһэргэһии, хоһооннор, сорудахтар, таабырыннар, өс хоһоонноро-биллэрэр-көрдөрөр карточка.
«УЛУУСТАР»: оонньоо, бил, кыай! — остуол оонньуута.
Күндү ааҕааччыларбыт! Болҕойуҥ, саҥа сахалыы кинигэлэри уларсан ааҕыҥ, иллэҥ кэмҥитин туһалаахтых атаарыҥ!