Хадаарга «Кыһын Саха сириттэн саҕаланар» бэстибээл чэрчитинэн ыытыллыбыт тэрээһиннэр
Ахсынньы 4 күнүгэр олохтоох библиотекаҕа үгэс быһыытынан Тымныы Моруос оҕонньорго «БАҔА САНАА» почтата үлэлээтэ. Нэһилиэкпит уран тарбахтаах маастара Ирина Филиппова оҕолорго анаммыт «Баататтан харыйа оонньуура» маастар-кылаас ыытта. Саҥа дьыллааҕы киэргэллэри бэйэ илиитинэн оҥоруу оҕоҕо сылаас эйгэни олохтуур. Оҕолор баатанан харыйа оонньуурун тэллэйдэри чочуйан, оҥорон таһаардылар, хас биирдии оонньуур хатыламмат ураты көстүүлэннэ.
Кэтэһиилээх Саҥа дьылбыт, күүтүүлээх дьикти түгэммит кэлэн иһэринэр аптаах-алыптаах Тымныы Моруос оҕонньор дьааһыгар оҕолор баҕа санааларын суруйан уктулар, минньигэс бэлэҕи туттулар.
Сэтинньи 5 күнүгэр «Тускул» култуура уонна успуорт киинин иннигэр оҕо-аймаҕы, нэһилиэк олохтоохторун үөрдэ, дьэрэкээн харыйа уотунан сандаара, күлүмүрдүү тыган, саҥа 2026 сыл кэлэн иһэр тыынын аҕалла.
Тымныы Моруос оҕонньор сиэн кыыһынаан Хаарчаналыын ыраахтан айаннаан кэлэн, кэлэн иһэр сылынан үтүөнү баҕаран туран кырачаан оҕолору, мустубут дьону эҕэрдэлээтилэр уонна күөх харыйа уотун сандаарда, күлүмүрдэтэ оонньоттулар. Күөх харыйа тула оҕо-аймах үөрэн-көтөн хороводтаан тэйдилэр, минньигэс бэлэх тутан үөрдүлэр-көттүлэр.
Тымныыны аахсыбакка кыттыыны ылбыт бар дьоммутугар махтанабыт!