«СЫРДАА» хамсааһын алгыстаах аартыга.
Сэтинньи ый 14, 21 күннэригэр «СЫРДАА» хамсааһын истиҥ-иһирэх алтыһыыга, сэһэргэһиигэ нэһилиэкпит Далбар Хотуттарын түмтэ. Бу күн амтаннаах от чэйдэри амсайа, амсайа Марфа Артемьева-Алтаана Сыдьаай сүбэтин-соргутун иһиттибит, айылҕаттан анаммыт дьоҕурун сырдаппыт Алена Трофимова-Саарбалаах Саҕынньахтаах Сырылатар Сардаҥа кэрэхсэбиллээх кэпсээнин иһиттибит.
Маны сэргэ баҕалаахтарга Мак-расклад өҥөтө оҥоһуллан, тус бэйэҕэ анаммыт сүбэлэри иһиттибит, ылынныбыт. Бу сиргэ, Айылҕаҕа, ньэҥир (энергия) хайдах үлэлиирин,киһи ис туругар болҕомто ууран, ону салайа үөрэннэҕинэ чугас дьонугар, тулалыыр эйгэтигэр хайдах дьайарын, сахалар тоҕо Айыы дьонобут дэнэрбитин, хайдах, тугу гынан кэлэр кэнчээри ыччаппытыгар ыраас «наследство» (карма) хаалларарбытын, интернет ситиминэн кэлэр араас информацияны «фильтрдыы» үөрэнэр туһата туоҕун, тоҕо дьон тоһоҕоҕо турарый, туох дьайыылааҕый уо.д. а. туһунан ирэ-хоро кэпсэттибит.
Дьиҥ бэйэни билиниини, ылыныыны, сүрэҕиҥ баҕатын иһиллэниини, ис көҥүлгүнэн кэҥиири «СЫРДАА» алгыстаах аартыга ситимниир.