Хадарская модельная библиотека

Е.А.Борисов аатынан архыып-библиотека бырайыагынан Хатылы-Чурапчы маршрутунан сылдьар рейсовай автобус саҕалаабыт бачыымын өйөөн, нэдиэлэҕэ үстэ Чурапчы-Хадаар маршрутунан айанныыр пассажирдар библиотека өҥөтүнэн туһаныахтара. Бу бырайыагы өйөөбүт, сэргээбит суоппарбытыгар Иннокентий Давыдовка улахан махталбытын тиэрдэбит.

Айан дьоно араас кинигэлэри, журналлары ааҕыахтара, ааҕыы умсулҕаныгар ылларыахтара. Ону тэҥэ сотору кэминэн архыып-библиотека аудиофондатыттан кэпсээннэри истиэхтэрэ. Ол курдук С.А. Попов — Сэмэн Тумат «Номох уонна дьылҕа» (үһүйээн), В.С.Яковлев — Далан «Бүтүн оҥоруу» (үһүйээн), «Тиһэх кэриэс» (үһүйээн), уо.д.а атыттары истиэхтэрэ, нэһилиэктэр үһүйээннэрин, номохторун билиэхтэрэ. Бүгүн айанныыр пассажирдар кинигэлэри, журналлары көрөн «Аата үчүгэйин» диэбиттэрэ бу бырайыак суолталааҕын, ааҕыы наадалааҕын бэлиэтиир.

Бырайыак салҕыы сайдан, историята кэҥээн истин!