Хадарская модельная библиотека

Муус устар 7-11 күннэригэр Хадаар нэһилиэгэр Арассыыйаҕа Аҕа дойдуну көмүскээччилэр, СӨ  Ийэ дойдуну көмүскээччилэр, Чурапчы улууһугар Үйэлээх килбиэн, Хадаар нэһилиэгэр  Ийэ дойдуга бэриниилээх буолуу,  Улуу Кыайыы 80 сылларыгар анаммыт “УРАН ТАЛААН”  норуоттан тахсыбыт талба талааннаах, Уорҕа учаастагын олохтоохторо Михаил Степанов, Варвара Федорова, нэhилиэкпит “Көмүс киистэ” түмсүү уруһуйдуур дьоҕурдаахтарын 🎨‍ быыстапката арыллан нэһилиэнньэ көрүүтүгэр биир нэдиэлэ турда.

       Маслянай кыраасканан уруһуйдаммыт историяны сырдатар уруһуйдар уонна оҕуруо киэргэллэр, кыбытык тигиилэр бииртэн биир олус кэрэлэр, интэриэһинэйдэр. Ураты эйгэлээх быыстапкаҕа нэһилиэк олохтоохторо, оҕолоро сырыттылар. Быыстапка киэҥ сэҥээриини ылла. Талааннаах дьоммут үлэлэрэ өссө даҕаны тупсан киэҥ эйгэҕэ биллэ-көстө турдуннар диэн баҕа санаабытын тиэрдэбит!

«Көмүс киистэ» түмсүү уруһуйдьута Ирина Филиппова «СААС» II Аан дойдутааҕы творческай куонкурус–бэстибээлгэ, «Изобразительное искусство» хайысхаҕа  «Сылгыһыт» хартыынатынан кыттан I истиэпэннээх Лауреат аатын ылан дипломунан бэлиэтэннэ. Иринаҕа айар үлэтигэр үрдүк ситиһиилэри баҕарабыт.

Муус устар ый 8-9 күннэригэр Национальнай бибилэтиэкэ тэриллибитэ 100 сылын көрсө ыытыллар дьаһаллар чэрчилэринэн Амма улууһугар илин-эҥэр улуустарыгар аналлаах  «Формирование библиотечных фондов в Республике Саха (Якутия): опыт и инновации» диэн бибилэтиэкэ үлэһиттэрин форумугар Чурапчы улууһуттан 5 киһилээх састааб баран кыттыыны ылан кэллибит. Форумҥа Амма, Мэҥэ-Хаҥалас, Уус-Алдан, Чурапчы улуустарын делегациялара кыттыыны ыллылар. Национальнай бибилэтиэкэ исписэлиистэрэ сүрүннээн тыа сирин бибилэтиэкэлэригэр фонданы кытта үлэҕэ кинигэни  өрөмүөннээһин,  харайыы усулуобуйатыгар ирдэбиллэри сиһилии билиһиннэрдилэр, элбэх сүбэни-аманы биэрдилэр, видеоматырыйаалларынан көрдөрдүлэр, туһааннаах боппуруостарга хоруйдаатылар. Салҕыы  Амма улууһун киин уонна Абаҕа нэһилиэгин бибилэтиэкэлэригэр экскурсияларга сылдьан, опыт атастаһан кэллибит.

Ханнык баҕарар үйэ, норуот уос номоҕор киирбит геройдардаах буолар. Муус устар 11 күнүгэр нэһилиэк, оскуола библиотекардара холбоһуктаах алын кылаас үөрэнээччилэригэр «Хорсун быһыы» уруога буолан ааста. Уруокка оскуола педагог-библиотекара Наталья Дмитрьевна хорсун быһыы диэн өйдөбүлү кэпсээтэ, билиһиннэрдэ.  

Аҕа дойду улуу сэриитин кэмигэр холобурга сылдьар хорсун-хоодуот быһыыны көрдөрбүт дьон туһунан хартыына нөҥүө кэпсээтибит,  Ол курдук, худуоһунньук Хадаар нэһилиэгин норуотун маастара Зинаида Теренкова бэйэтин уруһуйдарын оҕолорго холобур оҥорон кэпсээтэ.

Бу уруоктан оҕолор хорсун быһыы, тулуур, кыайыыга эрэл, Ийэ дойдуга бэриниилээх буолуу туһунан сэргээн истэн, билэн тарҕастылар.

Сылын ахсын муус устар 2 күнүгэр, Ганс Христиан Андерсен төрөөбүт күнүгэр, Аан Дойду барыта Оҕо кинигэтин күнүн бэлиэтиир. Бу күн 1967 сыллаахтан оҕо кинигэтин сэбиэтин көҕүлээһининэн уонна быһаарыытынан тэриллэр буолбут. Бу бырааһынньык сыала-соруга оҕолорго литератураҕа, кинигэ ускуустубатыгар, оҕо кинигэтэ тоҕоостоох буолуутугар уонна ааҕыытын тарҕатыыга болҕомто ууруутугар буолар. Нэдиэлэ устата Аан дойдутааҕы оҕо кинигэтин күнүн көрсө ыытыллыбыт ааҕыыга көҕүлүүр сыаллаах «Любимая книга из домашней библиотеки» видеоролик, «Мой любимый литературный герой» буклет оҥоруутун куонкурустар түмүктэрин таһааран, кыайыылаахтары наҕараадалаатыбыт.

«Любимая книга из домашней библиотеки» видеоролик күрэҕин кыайыылаахтара:

«Мой любимый литературный герой» буклет оҥоруутун кыайыылаахтара:

1 кылаас

2 кылаас

3 кылаас

4 кылаас

I миэстэ-«Любимые книги детства» коллективнай буклеттара

“Кинигэ – киһи өйдөөх сүбэһитэ” – бу кырдьык. «Кинигэни таптааҥ, кинигэлиин доҕордоһуҥ, киэҥ билиилээх буолуоххут»- диэн этэн туран кыайылаахтарга грамота, бириис туттардыбыт, оҕолор үөрүүлэрин үксэттибит. Бириистэри туруорбут «Тускул» култуура уонна спорт киинин директорыгар Николай Дьячковскайга махталбытын биллэрэбит.

Муус устар 11 күнүгэр олохтоох дьаһалта уопсай субуотунньук күнүн биллэрэн  «ИЙЭ» скверын хаара ыраастанна. Биир санаанан, күргүөмнээх үлэҕэ кыттыбыт уолаттарбытыгар махталбытын биллэрэбит.