«ААҔАР САХА САЙДАМ ЫАЛА» ааҕыы күрэҕэ
Бу күрэх сыл устата ыытыллар, дьиэ кэргэн бибилэтиэкэлэргэ сылдьан, сахалыы айымньылары, кинигэлэри ааҕан, ааҕыыга сыһыаннаах тэрээһиннэргэ, күрэхтэргэ кыттан, түмүктүүр күрэххэ сөбүлээн аахпыт саха суруйааччыларын айымньыларын ырытан, видеоролик оҥороллор. Кыбаарталга биирдэ уопсай тэрээһиннэр ыытыллаллар: 1- “Ааҕар саха сайдам ыала” күрэх. 2- Дьиэ кэргэн олимпиадата. 3 -Дьиэ кэргэттэргэ аналлаах маастар кылаастар 4 -Дьиэ кэргэнинэн сөбүлээн аахпыт айымньыларынан аудиозапись уһуллуута. Түмүктүүр тэрээһин видеоролик күрэҕэ.
Муус устар ый 7 күнүгэр нэһилиэк библиотекатыгар «Ааҕар саха сайдам ыала» бастакы түһүмэҕэ ыытылынна. Күрэх дьиэ кэргэнинэн ааҕыыны сайыннарыыга, өйөөһүҥҥэ, көҕүлээһиҥҥэ ананан ыытылынна. Ыалы ааҕыыга сыһыарыыга уонна нэһилиэнньэ ортотугар ааҕар култуураны иитиигэ туһуланна. Өй оонньуутун 6 түһүмэҕэр 4 дьиэ кэргэн кытынна.
«Мин ийэ тылым», «Саспыт айымньылар»,»Уруу-аймах ааттара»,»Кэпсээ», «Киинэ буолбут айымньылар», «Тылла таһаар» түһүмэхтэр түмүктэринэн Галина Николаевна кыыһынаан Айналыын бастаатылар, Клавдия Семеновна кыыһынаан Дианалыын иккистээтилэр, Елена Павловна уолунаан Чаҕыллыын үһүс миэстэни ыллылар, Парасковья Афанасьевна кыыһынаан Тасялыын туоһу суругунан бэлиэтэннилэр. Кэлэн кыттыыны ылбыт дьиэ кэргэннэргэ, сүбэ-ама, күүс-көмө буолбут Наталья Дмитрьевнаҕа махталбытын тиэрдэбит!
Күрэх түмүгүнэн Чурапчы улууһугар биэс бастыҥ ыал кыайыылаах буолар. Кыайыылаахтар сыаналаах бирииһинэн, дипломунан наҕараадаланаллар. Хас биирдии кыттыбыт дьиэ кэргэҥҥэ туоһу сурук туттарыллар.