Саха сиригэр Комсомол хамсааһына тэриллибитэ 105 сылыгар анаммыт биэчэр.
Кулун тутар 30 күнүгэр Тыа сирин сайдар киинигэр, нэһилиэк библиотекатыгар Хадаар нэһилиэгин Албан ааттаах комсомол кэминээҕи көлүөнэҕэ анаммыт, Саха сиригэр 🚩КОМСОМОЛ🚩тэриллибитэ 1️⃣0️⃣5️⃣ сылыгар анаммыт тэрээһин ыытылынна. Комсомол эдэр ыччаты үлэҕэ олус улахан суолтаны оҥорбута, биир сомоҕо гынан түмэ тардан дойдубут сайдыытыгар киллэрбит кылаата сүҥкэн улахан.
Кыыһар кыһыл хаалтыстаах, горн, барабаан тутуурдаах, оҕо сааспыт аргыһа, герой пионер Сима Сергеев аатынан пионерскай этэрээт эҕэрдэтин тиэртэ. (Сал. Владислава Яковлева)
-«С нами на все времена Любовь, Комсомол и Весна» интерактивнай оонньууга Анна Андросова, Александра Елисеева, Люция Лукина кыайыылааҕынан тахсан грамотанан, «Тускул» култуура уонна успуорт киинэ туруорбут бириистэринэн бэлиэтэннилэр.
-«Кэрэ кэмнэр кэрэһиттэрэ» куонкуруска олус интэриэһинэй комсомол кэминээҕи ахтыылары иһиттибит, маллары көрдүбүт. Хадаар нэһилиэгэр бастакы «Комсомольскай сыбаайба» туһунан, үлэлээн ааспыт кэмнэрин туоһутун комсомольскай билиэттэрин, путевкаларын, значоктарын көрдөрдүлэр, барытыгар көхтөөх комсомольскай сылларын ахтан — санаан аастылар. Куонкурус түмүгүнэн Лариса Лукина, Елена Дьячковская, Люция Лукина грамотанан, бирииһинэн наҕараадаланнылар.
🚩Комсомол эппиэтинэстээх, эрчимнээх, өрө күүрүүлээх үлэтин — хамнаһын, ахтан — санаан тэрээһиммитин түмүктээтибит.
