Алгыстаах саха тылын сэттиэлэтин сонуннара.
Олунньу 13 күнүгэр – Өрөспүүбүлүкэбитигэр “Төрөөбүт тыл уонна сурук –бичик күнэ” бэлиэтэнэр.
Олунньу 11 күнүгэр төрөөбүт төрүт тыл, сурук-бичик күнүн чэрчитинэн анаммыт аралдьайыыга «Мичил» уһуйаан улахан уонна бэлэмнэнии бөлөҕүн оҕолоро нэһилиэк библиотекатыгар ыалдьыттаатылар. С. А. Новгородов туһунан, кини айбыт алпаабытын туһунан иһитиннэриини иһиттилэр, кинигэ быыстапкатын көрдүлэр.
«Тииҥ мэйии» интеллектуальнай оонньууга астына оонньоотубут, оҕолор «тииҥ» курдук сымса, сытыы өйдөөхтөрүн көрдөрдүлэр. Элбэх боппуруоска эппиэттээн Артемьева Алина, Андросов Максим кыайыылаахтарынан таҕыстылар. Оҕолор бэйэлэрэ интэриэһиргиир кинигэлэрин көрдүлэр, остуол оонньууларын сэргээтилэр.
Олунньу 12 күнүгэр «ТАПТЫЫР САХАМ ТЫЛЫНАН…» өрөспүүбүлүкэтээҕи дьыктааҥҥа нэһилиэкпит оскуолатын 3-8 кылаас үөрэнээччилэрэ кыттыыны ыллылар.
Аахсыйа соруга: үөрэнээччини саха литэрэтиирэтигэр, төрөөбүт тылга уһуйуу; төрөөбүт тылынан сөпкө саҥарар-суруйар таһымын үрдэтии, сатабылын иҥэрии; төрөөбүт тыл култууратын үрдэтии; санааны толору арыйа үөрэнии буолар. Дьыктааны иилээн саха тылын уонна литературатын учуутала Галина Бандерова ыытта. Кыттыбыт үөрэнээччилэргэ «Туоһу сурук» туттарылынна.
Түмүккэ, «5» сыанаҕа суруйбут оҕолор ааттара билиннэ:
3 — 4 кылаас үөрэнээччилэрин ортотугар Бандерова Марина,
5 — 6 кылаас үөрэнээччилэрин ортотугар Спиридонов Ефрем, Дьячкова Диана,
7 — 8 кылаас үөрэнээччилэрин ортотугар Афанасьева Карина, Бандерова Айна. Бу оҕолор үлэлэрэ өрөспүүбүлүкэҕэ салҕыы II түһүмэххэ сүүмэрдэнэн бэрэбиэркэлэнэр.
Төрөөбүт тыл, сурук-бичик күнүгэр ананан ыытыллыбыт тэрээһиҥҥэ кыттыбыт учууталларга, үөрэнээччилэргэ махталбытын тиэрдэбит.
Олунньу 13 күнүгэр нэһилиэк библиотекатыгар Ийэ тыл, сурук-бичик күнүн көрсө сахалыы таба суруйуу үөрүйэҕин олохсутар, иҥэрэр сыаллаах 12 төгүлүн «САХАЛЫЫ ДЬЫКТААН-2026» аахсыйа ыытылынна. Дьыктааҥҥа Саха норуодунай суруйааччыта Д.К.Сивцев-Суорун Омоллоон «ЧҮӨЧЭЭСКИ» кэпсээниттэн быһа тардыы сурулунна.
Дьыктааны таба суруйбут кыттааччылар ДОБУН СУРУКТАРЫНАН бэлиэтэннилэр. Ол курдук «БАСТЫҤТАН БАСТЫҤ СУРУКСУТ» ааты Дария Елисеева, «БАСТЫҤ СУРУКСУТ» ааты Владимир Спиридонов, «ҮЧҮГЭЙ СУРУКСУТ» ааты Раиса Лукина ыллылар. Бары кыттааччыларга туоһу сурук туттарылынна. Саха тыла сайыннын, саха тыла сатараатын!
