Хадарская модельная библиотека

2025 — Арассыыйаҕа — «Аҕа дойдуну көмүскээччи», Саха Өрөспүүбүлүкэтигэр — «Ийэ дойдуну көмүскээччи», Чурапчы улууһугар — «Үйэлээх килбиэн», Хадаар нэһилиэгэр — «Ийэ дойдуга бэриниилээх буолуу» сылларын түмүгүнэн ахсынньы 31 күнүгэр кыайыыны иҥэринэр, ситиһиини чиҥэтэр, үөрүүнү үксэтэр, үтүө үгэскэ кубулуйбут «ИТОГИ ГОДА» тэрээһини 2025 сыл устата араас хайысхаларынан үрдүк көрдөрүүлээх үлэлээх, олоххо, спортка, култуураҕа, общественнай хамсааһыҥҥа, көҕүлээһиҥҥэ бэйэлэрин кылааттарын киллэрсибит дьоммутун-сэргэбитин чиэстиир дьоро киэһэ буолан ааста. «Хадаар нэһилиэгэ» тыа сирин түөлбэтин баһылыга Афанасий Степанов эргэ дьылы атаара, саҥа сылы көрсө эҕэрдэ тылы этэн, дохсун ытыс тыаһынан доҕуһуоллатан грамоталары, эҕэрдэ суруктары, анал ааттары, бэлиэлэри, бэлэхтэри туттартаата.

Арассыыйа бэрэсидьиэнэ Владимир Путин, Саха Өрөспүүбүлүкэтин Ил Дарханын Айсен Николаев эҕэрдэ суруктарын ытык мааны  90 сааһынан, тыыл, үлэ бэтэрээнигэр, Хоту көһөрүллүү кыттыылааҕар, Хадаар нэһилиэгин, Чурапчы улууһун Бочуоттаах олохтооҕор, Саха Өрөспүүбүлүкэтин тыа хаһаайыстыбатын Бочуоттаах үлэһитигэр Александра Васильевна Софронова туттардылар.

• Өр сыллаах үтүө суобастаах үлэтин, киллэрсибит кылаатын иһин, Саха Өрөспүүбүлүкэтин Бырабыыталыстыбатын иһинэн Гражданскай турук аактатын суруйар управление Бочуотунай грамотатынан олохтоох дьаһалта кылаабынай специалиһа Лукина Раиса Ивановна наҕараадаланна.
• Үтүө көмөтүн, киллэрсибит кылаатын иһин Саха өрөспүүбүлүкэтин хотугулуу-илин фондатын иһинэн үлэлиир «ВМЕСТЕ К ПОБЕДЕ» оперативнай штабын Махтал суругунан «Боевые шелкопряды Якутии» общественнай хамсааһын волонтера, Хадаар нэһилиэгин модельнай библиотека сэбиэдиссэйэ Ноговицына Лена Николаевна наҕараадаланна,
• Улуу Кыайыы 80 сылынан Чурапчы улууһа муниципальнай оройуон баһылыгын үбүлүөйүнэй бэлиэтинэн үлэ бэтэрээннэрэ Протодьяконова Мария Николаевна, Мишкин Илья Николаевич бэлиэтэннилэр.

• Үтүө суобастаах үлэтин, Хадаар нэһилиэгин сайдыытыгар киллэрсибит кылаатын иһин Чурапчы улууһа муниципальнай оройуон баһылыгын Махтал суругунан «Хадаар нэһилиэгэ» тыа сирин түөлбэтин баһылыгын солбуйааччыта Дьячковская Перизат Бакболотовна наҕараадаланна,
• Өр сыллаах үтүө суобастаах үлэтин, Чурапчы улууһугар киллэрсибит кылаатын иһин Чурапчы улууһа муниципальнай оройуон Централизованнай бухгалтериятын Бочуотунай грамотатынан бухгалтер Адамова Любовь Дмитриевна бэлиэтэннэ.
• Тыа хаһаайыстыбатын сайдыытыгар киллэрсибит кылаатын, өр сыллаах үтүө суобастаах үлэтин иһин «За вклад в развитие сельского хозяйства Чурапчинского улуса» бэлиэнэн Саха Өрөспүүбүлүкэтин тыатын хаһаайыстыбатын туйгуна, үлэ бэтэрээнэ Андросов Афанасий Иннокентьевич наҕараадаланна.

• Өр сыллаах үтүө суобастаах үлэлэрин, Хадаар нэһилиэгин сайдыытыгар киллэрсибит кылааттарын иһин Хадаар нэһилиэгин үһүс степеннээх бэлиэтинэн олохтоох дьаһалта кылаабынай специалиһа Артемьева Марфа Семеновна, олохтоох дьаһалта специалиһа Никонова Февронья Васильевна наҕараадаланнылар.
• Хадаар нэһилиэгин сайдыытыгар киллэрбит кылаатын иһин «Хадаар нэһилиэгэ» тыа сирин түөлбэтэ баһылыгын Бочуотунай грамотатынан олохтоох дьаһалта сүрүннүүр специалиһа Лукина Зарина Егоровна бэлиэтэннэ,
•  Хадаар нэһилиэгин сайдыытыгар киллэрбит кылаатын иһин «Хадаар нэһилиэгэ» тыа сирин түөлбэтэ баһылыгын Махталынан олохтоох дьаһалта хаһаайыстыбаннай чааһыгар специалиһа Давыдов Семен Семенович бэлиэтэннэ,
•   Хадаар нэһилиэгин сайдыытыгар киллэрбит кылаатын иһин Хадаар нэһилиэгэ тыа сирин түөлбэтэ баһылыгын иккис степеннээх бэлиэтинэн  үбүлүөйдээх 50 сааhынан Хадаар нэһилиэгин модельнай библиотека сэбиэдиссэйэ Ноговицына Лена Николаевна наҕараадаланна,
•  Хадаар нэһилиэгин сайдыытыгар киллэрбит кылааттарын иһин «Хадаар нэһилиэгэ» тыа сирин түөлбэтэ баһылыгын үһүс степеннээх бэлиэтинэн үбүлүөйдээх дьоммут 65 саастарынан Тарбахова Варвара Степановна, Анемподистова Екатерина Прокопьевна, 70 сааһынан Адамова Наталья Ивановна наҕараадаланнылар.
•  Хадаар нэһилиэгин сайдыытыгар киллэрбит кылаатын иһин «Хадаар нэһилиэгэ» тыа сирин түөлбэтэ баһылыгын «Бочуотунай бэтэрээнэ» бэлиэтинэн үбүлүөйдээх 75 сааһынан Анемподистова Мария Петровна бэлиэтэннэ.

• «Боевые шелкопряды Якутии» общественнай хамсааһыҥҥа киллэрбит үтүө көмөлөрүн иһин «Хадаар нэһилиэгэ» тыа сирин түөлбэтин Махтал суруга «БАСТЫҤ ВОЛОНТЕРДАРБЫТЫГАР» Сидорова Валентина Никитичнаҕа, Игнатьева Ксения Семеновнаҕа, Листикова Александра Васильевнаҕа, Дьячковская Татьяна Николаевнаҕа, Софронова Саргылана Филипповнаҕа, Иванова София Ильиничнаҕа туттарылынна.

•  Ыал саргыта сылы түмүктүүр декада чэрчитинэн улуустааҕы дьиэ кэргэн форумугар бэйэлэрин уопуттарын атастаһан ситиһиилээхтик кыттыбыт спикердэрбитигэр «Хадаар нэһилиэгэ» тыа сирин түөлбэтин баһылыгын эҕэрдэ суруга «Чэгиэн буолуу үөрүйэхтэрэ” түһүлгэҕэ кыттыбыт Мордускина Камила Кузьминичнаҕа, “Тыа сирин ыччат ыалын сайдар кэскилэ” түһүлгэҕэ кыттыбыт Дьячковская Перизат Бакболотовнаҕа туттарылынна.
•  2025 сылга ыал буолан алаһа дьиэ тэринэн, кырачаан  Сардаана кыысчааннаммыттарынан, Хадаар нэһилиэгэр регистрацияламмыттарынан эҕэрдэ сурук Светлана Сергеевна, Михаил Лукич Афанасьевтар дьиэ кэргэҥҥэ, Августина Семеновна, Владислав Васильевич Романовтарга кырачаан Аман уолчааҥҥа күн сирин көрдөрбүттэринэн, Нария Николаевна Листиковаҕа Айдын диэн уолламмытынан туттарылынна.
• 2025 сылга саҥа дьиэни дьэндэппит ыалларбытыгар Тарасова Варвара Афанасьевнаҕа, Людмила Николаевна, Михаил Николаевич Адамовтарга, Антонина Зосимовна, Дмитрий Афанасьевич Мордускиннарга, Михаил Ильич Елисеевка эҕэрдэ суруктар туттарылыннылар.

«БАСТЫҤ СПОРТСМЕН» анал аат 2025 сыл түмүгүнэн Хадаар  нэһилиэгин аатын араас күрэхтэһиилэргэ ааттаппыт спортсменнарбытыгар туттарылынна:

• Софронов Владислав Григорьевич-Саха сирин, Дальнай Восток, Арассыыйа  көҥүл тустууга, боевой панкратиоҥҥа, смешаннай бойобуой единоборстваларга хас да төгүллээх чемпиона, призера, Арассыыйа СБЕ ММА смешаннай бойобуой единоборствалар күрэхтэрин маастара,
• Софронов Андрей Михайлович- Саха сиригэр хапсаҕайга, саха ыстаныыларыгар күрэхтэр хас да төгүллээх призера, чемпиона, Манчаары оонньууларын чемпиона,
• инники эрэллээх спортсмеммыт Григорьев Айтал Петрович- С.Д.Флегонтов аатынан Хадаар орто оскуолатын 10 кылааһын үөрэнээччитэ, чэпчэки атлетикаҕа республика, Дальнай Восток, Российскай турнирдар хас да төгүллээх чемпионнара, призердара, Дети Азии кыттыылааҕа, Манчаары оонньууларын призера.

2025 сыл түмүгүнэн култуура эйгэтигэр бастыҥнар:

• «МОЙ ВЫБОР — БИБЛИОТЕКА» бастыҥ ааҕааччы Наталия Герасимова,
• «СЕМЬЯ И БИБЛИОТЕКА» бастыҥ ааҕар дьиэ-кэргэн Галина, Анисим Бандеровтар,
• «ТВОРЦЫ КУЛЬТУРЫ» бастыҥ култуура түмсүүтэ «Сайдыына» үҥкүү бөлөҕө, сал. Изабелла Адамова,
• «ОТ КЛАССИКИ ДО ФОЛЬКЛОРА» анал аат Рада Ефимова,
• «НАДЕЖДА КУЛЬТУРЫ» анал аат Камилла Герасимова.

Култуура эйгэтигэр киллэрсибит кылааттарын иһин Чурапчы улууһун култуураҕа салалтатын Бочуотунай грамотатынан уонна үрүҥ көмүс бэлиэтинэн С.Д.Флегонтов аатынан Хадаар орто оскуолатын эбии үөрэхтээһин учуутала Яна Васильевна Климова, эбии үөрэхтээһин учуутала, түмэл салайааччыта Елена Семеновна Харитонова наҕараадаланнылар. Наҕарааданы «Тускул» култуура уонна успуорт киинин директора Николай Дьячковскай туттарда.

• 2025 сыл түмүгүнэн «СЫЛ БАСТЫҤ ҮЛЭҺИТЭ» анал ааттар туттарылыннылар:
• Үөрэх эйгэтэ — Саак Надежда Владимировнаҕа, С.Д.Флегонтов аатынан Хадаар орто оскуолатын биология уонна география учуутала,
• Оскуола иннинээҕи үөрэхтээһин эйгэтэ — Лукина Саргылана Петровна, Мичил уһуйаан младшай иитээччитэ,
• Культура эйгэтэ — Лукина Зинаида Ивановна, Тускул культурнай спортивнай киин уус-уран салайааччыта,
• Дьиэ-уот коммунальнай хаһаайыстыба эйгэтэ — Уорҕатааҕы учаастак оператора Артемьев Рустам Васильевич, Хадаардааҕы учаастак оператора Мордускин Афанасий Афанасьевич,
• Доруобуйа харыстабылын эйгэтэ — Власьева Марина Николаевна, Хадаардааҕы фельдшерскай пуун фельдшеригэр,
• Сибээс эйгэтэ — Елисеева Дария Николаевна, Хадаардааҕы почтовай сибээс отделениетын начальнига,
• Ветеринария эйгэтэ — Максимова Мария Николаевна, Хадаардааҕы ветеринарнай учаастак ветеринарнай специалиһа,
• Тыа хаһаайыстыбатын эйгэтэ — Ксенофонтов Радомир Николаевич, бааһынай хаһаайыстыба баһылыга,
• Эт-үүт оҥорон таһаарар бородууксуйа эйгэтэ — Лукина Анна Семеновна, Хадаардааҕы маслоцех лаборана,
• Олохтоох бэйэни салайыныы эйгэтэ — Дьячковская Перизат Бакболотовна, «Хадаар нэһилиэгэ» тыа сирин түөлбэтин баһылыгын солбуйааччыта.

Сыл түмүгүнэн «ЛУЧШИЙ АКТИВИСТ” анал аат түөлбэлэр бастыҥ активнай позициялаах дьонугар туттарылынна:

• «Эрэл» түөлбэ Алена Трофимова, «Кэскил» түөлбэ Анна Лукина, «Сардаҥа» түөлбэ Лена Ноговицына бэлиэтэннилэр.

Бары наҕараадаламмыттары, нэһилиэкпит олохтоохторун, биир дойдулаахтарбытын салаллан кэлбит саргылаах саҥа 2026 сылынан итиитик-истиҥник эҕэрдэлиибит! Саҥа сыл нэһилиэкпит дьонугар-сэргэтигэр, олоҕор-дьаһаҕар өссө үрдүк ситиһиилэри, чыпчааллары түстээтин диэн алгыспытын аныыбыт.

Николай Дьячковскай хаартыскаҕа түһэриитэ.