Ситиһиилээх сэттиэлэ солуннара
Ахсынньы ый 14 күнүгэр Алаҕар нэһилиэгэр «Алаҕар Далбардара» 3-с көлүөнэ үҥкүү бөлөҕүн 10 сыллаах үбүлүөйдэринэн ыытыллыбыт «Далбарайдыы дайыахха» кэрэ аҥардарга анаммыт аһаҕас үҥкүү күрэҕэр нэһилиэкпит «САЙДЫЫНА» үҥкүү бөлөҕө (сал.И.Адамова) баран кыттыыны ылан, ситиһии көтөллөөх кэллилэр. Уопсайа 22 үҥкүү кэллэктиибэ кыттыыны ылбытыттан 2-с бөлөххө «ТАЛБА КЫРГЫТТАР» үҥкүүнэн 2-с истиэпэнээх Лауреат үрдүк аатын ыллылар, маны таһынан «БАСТЫҤ КӨСТҮҮМ» анал ааты ылан Алаҕар нэһилиэгин норуот маастардара уонна уран тарбахтаах иистэнньэҥнэрэ туруорбут бириэмийэлэрин дохсун ытыс тыаһынан туттулар.
Анал байыаннай дьайыыга кытта сылдьар дьоҥҥо көмөлөһөн, кыайыыны чугаһатар баҕа санаалаах биир дойдулаахтарбытыгар анаан нэһилиэкпитигэр тэрилтэлэринэн хаххаланар сиэккэлэри, нашлемниктары өрүү, уолаттарбытыгар саҥа сыл кэлэр тыынын киллэрэр көмө аахсыйа оҥордубут. Осуолаҕа бу тэрээһиҥҥэ оҕолору кытыннарбыттара, көмөлөһүннэрбиттэрэ хайҕаллаах дьыала, бу оҕону патриотическай тыыҥҥа киллэрэр, иитэр.
Уолаттарга аахсыйанан минньигэс ас, халыҥ наскылар, бэччээккэлэр, чэй, кофе, влажнай салфетка хомуллуутугар көмөлөспүт дьоммутугар Дария Елисееваҕа, Анна Андросоваҕа, Валентина Сидороваҕа, Игнатьевтар дьиэ-кэргэҥҥэ, Вера Никоноваҕа, Зинаида Лукинаҕа, Парасковья Орловаҕа, Евдокия Григорьеваҕа, Александра Листиковаҕа, Надежда Листиковаҕа, Мария Спиридоноваҕа, Анна Лукинаҕа, Раиса Лукинаҕа, Февронья Никоноваҕа, Мария Решетниковаҕа, Парасковья Ноговицынаҕа, Надежда Саак, Клара Алексееваҕа, Лия Лукинаҕа, София Ивановаҕа, Анна Лукинаҕа, Сардана Софроноваҕа, Татьяна Дьячковскаяҕа, Ирина Филипповаҕа, Лариса Лукинаҕа, Лариса Ноеваҕа, Мария Протодьяконоваҕа, Раиса Луковцеваҕа, Александра Никитинаҕа, Евдокия Шестаковаҕа, Зинаида Теренковаҕа, Людмила Адамоваҕа, Венера Тарасоваҕа улахан махталбытын биллэрэбит. Көмөбүт бу күннэргэ туһааннаах сиригэр барара былааннанар.
Нэһилиэкпит тэрилтэлэригэр, көхтөөх дьонугар-сэргэтигэр бу тэрээһиннэргэ актыыбынайдык кыттыбыккытыгар махтанабыт.
Ахсынньы ый 18 күнүгэр Чурапчы улууһунИ.Н.Винокуров аатынан «Айылгы» НАДь ССРС култууратын туйгуна, СӨ, РФ култууратын үтүөлээх үлэһитэ, 2025 сыл «Гордость нации» общественнай бириэмийэ лауреата, Болугур нэһилиэгин, Чурапчы улууһун Бочуоттаах олохтооҕо Яна Викторовна Игнатьева 50 сыллаах айар үлэтин түһүлгэтин «Өбүгэм удьуорун утумнаан» фотовыставка арыллыытыгар нэһилиэк маастардара, олохтоохторо баран кыттыыны ылан, эҕэрдэлээн, кэрэни кэрэхсээн көрөн-истэн кэллилэр.
