Кыайыы 80 сылыгар анаммыт «СВОи родные» быыстапка.
Ыам ыйын 5 күнүттэн Хадаар нэһилиэгин тыа сирин сайдар киинигэр, нэһилиэк библиотекатыгар Улуу Кыайыы 80 сылынан, биир дойдулаахтарбыт Анал байыаннай дьайыы кыттыылаахтарын сырдык кэриэстэригэр анаммыт «СВОи родные» быыстапка турда. Быыстапка сүрүн сыала — олохторун толук уурбут байыастары кэриэстээһин уонна Аҕа дойдуну көмүскээччилэргэ сүгүрүйүү бэлиэтэ, Ийэ дойдуга бэриниилээх, дьиҥнээх патриот буолууга иитии.
Араас хайысханан буойуттарбыт ааттарын киэҥ араҥаҕа таһааран, киэн туттан, кэнчээри ыччакка, оҕолорго сырдатан. үйэтитэн кэпсиир, билиһиннэрэр эбээһинэстээхпит. Сырдык тыыннарын толук уурбут уолаттарбыт тустарынан сурукка тиһэн хаалларар иэстээхпит, биир дойдулаахпыт Августа Иннокентьевна Давыдова уолаттарга анаан суруйбут тылларын, хоһооннорун бу быыстапкаҕа билсиэххит,
Маны тэҥэ быыстапкаҕа нэһилиэк библиотекатыгар анал байыаннай дьайыы кыттыылаахтарын туһунан саҥа киирбит кинигэлэри сэргии көрүөххүтүн, уларсан ааҕыаххытын сөп.
Ийэ дойдуларын туһугар ытык иэстэрин толоро сылдьан, сэрии толоонугар дьоруойдуу охтубут уолаттарбыт сырдык мөссүөннэрэ хаһан да умнуллубатын, кэлэр кэнчээри ыччакка, кинилэр хорсун быһыылара холобур буола турдун.
Кэлэн көрүҥ, сэргээҥ!