Көхтөөх көмө
Хадаар нэһилиэгин олохтоохторо иллээх олох туһугар көмөҕө биир сомоҕо буолан кытталлар. Бу күннэргэ анал байыаннай дьайыыга сылдьар саллааттарга көмө ыыттыбыт.
Саллааттарга көмөттөн кырачааннар да туора турбаттар. С. Д. Флегонтов аатынан Хадаар орто оскуолатын 4-с кылааһын үөрэнээччилэрэ, кылаас сал. Айталина Федорова «Записки солдата» диэн ис хоһоонноох кылаас чааһын ыытан, оҕолор «Письмо солдату» бэлэмнээтилэр уонна бородууктанан көмө оҥордулар. Бу үтүө санаа бачыымын саҕалаан «Гуманитарная помощь солдатам» акциянан оскуола кылаастарыгар, коллективыгар ыҥырыы таһаардылар.
Оттон олохтоохтор 18 миэтэрэ усталаах, 6 устуука хаххаланар сиэккэлэри, 100 устуука сиэлтэн сахалыы оһуордаах харысхаллары оҥорууга биир сомоҕо буолан түмүстүлэр. Анал байыаннай дьайыыга кытта сылдьар дьоҥҥо көмөлөһөн, кыайыыны чугаһатар баҕа санаалаах Хадаар нэһилиэгин бары олохтоохторугар, тэрилтэлэрбит салайааччыларыгар, кэлэктииптэргэ, уопсастыбаннай түмсүүлэрбитигэр, оҕолорбутугар дириҥник махтанабыт.
